કેશની તંગીથી સોનાની માંગ 80 ટકા ઘટી કિંમત ગગડીને રૂ. 29000ની નીચે પહોંચી

ઘરેલુ બજારમાં સોનાની કિંમત ગબડીને ફરી એકવાર 29 000 રૂપિયાની નીચે છ માસના તળિયે આવી ગઇ છે. નોટબંધી પછી દેશમાં પેદા થયેલી કેશ તંગીના કારણે દેશભરમાં સોનાની માગ 80 ટકા જેટલી ઘટી ગઇ છે. વળી વૈશ્વિક શેરબજારોમાં સુધારાના કારણે પણ સોનામાં નરમાઇ જોવા મળી રહી છે.

 કારોબારીઓનું કહેવું છે કે સોનાના અંગે ગ્લોબલ ટ્રેન્ડમાં ભારતની ભૂમિકા મહત્ત્વની છે. આ જોતા જો કેશની કટોકટી આગળ એક મહિનો પણ રહી તો સોનાની કિંમત વધુ ઘટીને 26 000ની નીચે જઇ શકે છે. ઉપરાંત યુએસ ફેડ રિઝર્વ શું નિર્ણય કરે છે પણ સોના માટે અગત્યનું બનશે.