ડિઝીટલ ખરીદી પર ભાર મુકવા સરકારનો મહત્વનો નિર્ણય કાર્ડથી પેટ્રોલ રેલ ટિકી

નોટબંધી બાદ સરકારે મોટુ એલાન કર્યુ છે. સરકારે ડિજીટલ ખરીદી પર ભાર મુકવા માટે મહત્વના એલાન કર્યા છે. જે અંતર્ગત કાર્ડથી પેટ્રોલ કે ડિઝલની ખરીદી પર 0.75 ટકાની છૂટ ખરીદદારને મળશે. ઈ-કાર્ડથી નાણાંની ચુકવણી પર ટિકીટમાં પણ છૂટ મળી શકશે. મતલબ કે રેલ ટિકીટમાં ઈ-પેમેન્ટ કરવા પર 0.05 ટકાની છૂટ મળશે. 

ઓનલાઈન રેલ ટીકીટ ખરીદનારાઓને 10 લાખનું વીમા કવચ પુરુ પાડવામાં આવશે. સાથે જ 4.32 કરોડ ખેડૂતોને RUPAY કાર્ડ નાબાર્ડ દ્વારા આપવાની જાહેરાત નાણામંત્રી અરૂણ જેટલીએ કરી છે. તો ઓનલાઈન ઈન્સ્યોરન્સ પેમેન્ટ પર 8 થી 10 ટકાની છૂટની જાહેરાત કરવામાં આવી છે. તો ટોલ પ્લાઝા પર પણ ઈ-પેમેન્ટ કરવાથી 10 ટકાની છૂટ આપવામાં આવશે.