અમદાવાદના ગાંધીરોડ પર આવેલી બંસી ઇલેક્ટ્રિક દુકાન પર એક યુવક આજે પહોંચ્યો હતો અને 100 ની નકલી નોટ આપીને ખરીદી કરી હતી જે બાદ અન્ય દુકાનમાં જઇને બીજી નકલી નોટ આપીને ખરીદી કરવા જતા વેપારીને શંકા ગઈ હતી. જેથી યુવકની પૂછપરછ કરી અને બંને વેપારીએ નોટ તપાસતા એક જ સિરીઝની નોટ હતી. જેથી વેપારી દ્વારા તેને વધુ પૂછતાં પોતે એસઆરપીમાં પીએસઆઇ છે એવો દમ માર્યો હતો. પરંતુ વેપારીઓ દ્વારા પોલીસને જાણ કરવામાં આવી હતી.
જેથી ખાડીયા પોલીસે ઘટના સ્થળ પર જઈ તપાસ શરુ કરી હતી. યુવકની અટકાયત કરી પોલીસ સ્ટેશન લાવી પૂછપરછ કરતા સામે આવ્યું કે યુવકનું નામ જીતેન્દ્ર ગજેરા છે. અને તેના ભાઈ જયેશ ગજેરા એસઆરપીમાં પીએસઆઇ ગ્રુપ 16માં ફરજ બજાવે છે અને તેનું આઇકાર્ડ બતાવી પીએસઆઇ હોવાનો રોફ જમાવતો હતો. હાલ પોલીસ તપાસ કરી રહી છે કે હકીકતમાં તેનો ભાઈ પીએસઆઇ છે કે નહિ અને આ એક જ સિરીઝની નકલી નોટ યુવક પાસેથી ક્યાંથી આવી. તો બીજી તરફ પોલીસ અવઢવમાં છે કે ઝડપાયેલા યુવક સામે શું ગુનો દાખલ કરવો ?