પોલીસને મળી મોટી સફળતા ગેંગસ્ટર બલી ડાંગર પોતાના 4 સાગરીતો સાથે ઝડપાયો

અનેક ગુનામાં સંડોવાયેલો ગેંગસ્ટર બલી ડાંગરને પોલીસે ઝડપી પાડયો છે. પોલીસે બલી ડાંગરની સાથે સાથે અન્ય ચાર સાગરીતોની પણ ધરપકડ કરી છે. અર્જુન સિકંદરના નામના આરોપીની ધરપકડ કરી પોલીસે પુછપરછ હાથ ધરી છે.. અને આરોપીઓ મોરબીના રહેવાસી છે. 

પોલીસના કહેવા પ્રમાણે બલી ડાંગર પર હત્યા અપહરણ સહિતના અનેક આરોપો લાગેલા છે. બલી ડાંગર ભૂમાફીયા તરીકે પણ કુખ્યાત છે. પોલીસને બલી ડાંગર પાસેથી બે ગન પણ મળી આવી હતી. મળતી વિગતો અનુસાર બલી ડાંગર ગોંડલની જેલમાંથી ભાગી છૂટ્યો હતો. બલી ડાંગર પર માલિયાસણની જમીન કૌભાંડમાં પાંચ કરોડ રૂપિયાની ખંડણી માંગવાનો પણ આરોપ છે.