પાકિસ્તાન તરફથી સરહદ પર થઇ રહેલા ફાયરિંગમાં વધુ એક BSF જવાન શહીદ થઇ ગયા છે. જમ્મૂ કશ્મીરના RS પુરા સે~ટરમાં શુક્રવારે પાકિસ્તાન તરફથી ફાયરિંગમાં સુશીલ કુમારને ગોળી વાગી હતી. જમ્મૂની હોસ્પિટલમાં તેમની સારવાર ચાલી રહી હતી. આ દરમિયાન તેમનું રવિવારે રાત્રે મોત થઇ ગયું સુશીલ કુમાર BSFના હેડ કોનસ્ટેબલ હતા.
તેઓ હરિયાણાના કુરૂક્ષેત્રના રહેવાસી હતા. ફાયરિંગ દરમિયાન તેમને છાતીના ભાગ ઉપર ગોળી વાગી હતી. અને અન્ય ઇજાઓ થઇ હતી. આજે તેમનો પોસ્ટમોર્ટમ રિપોર્ટ કરવામાં આવશે. અને ત્યાર બાદ જવાનને આખરી સલામ આપવામાં આવશે.
ઉલ્લેખનિય છે કે ગત રાત્રે જમ્મૂના આર.એસ.પુરા અને અખનૂર સેકટરમાં 20થી વધુ BSF પોસ્ટ પર અને ગામમાં ફાયરિંગ થયું છે. આ ફાયરિંગને કારણે ગામલોકોમાં ભયનો માહોલ છે.