ફ્રાન્સથી રાફેલ ફાઇટર પ્લેનની ખરીદી કરવા માટે બુધવારે મોદી સરકારે મંજૂરી આપી દીધી છે. ફ્રાન્સના ડિફેન્સ મિનિસ્ટર જીન વેસ લી ડ્રાયનની હાજરીમાં શુક્રવારે બંને દેશોએ ડીલ પર હસ્તાક્ષર કર્યા હતા. ભારતને 7.878 બિલિયન યૂરો એટલે કે 59 હજાર કરોડ રૂપિયામાં 36 રાફેલ પ્લેન મળશે.
બંને દેશોના નિષ્ણાતોએ આ સૌદાને આખરી ઓપ આપી દીધો છે. વિમાનો સપ્લાય કરવાનો કોન્ટ્રાક્ટ સાઈન કર્યા બાદ 36 મહિનાની અંદર શરૂ થશે અને 66 મહિનામાં તમામ વિમાનો ભારતને મળી જશે. આ પ્લેન ભારતીય વાયુ દળમાં આવવાથી એરફોર્સની તાકાત વધી જશે.