દુનિયાના સૌથી બુઝુર્ગ વ્યક્તિ બન્યા મબાહ ગોથો 145 વર્ષની ઉંમરે હજુ પણ છે જીવિ

દુનિયાના સૌથી બુઝુર્ગ વ્યક્તિ રૂપે અત્યાર સુધી ફ્રાંસની જેની કાલમેંટને ઓળખવામાં આવતી હતી. પરંતુ ઈન્ડોનેશિયાના મબાહ ગોથો નામના વ્યક્તિએ આ રેકોર્ડને તોડી નાખ્યો છે.  

ઈન્ડોનેશિયાના મબાહ ગોથોનો જન્મ 31 ડિસેમ્બર 1870ના રોજ થયો હતો. ઈન્ડોનેશિયાઈ અધિકારીઓએ જ્યારે મબાહ ગોથોના દસ્તાવેજોની ચકાસણી કરી ત્યારે તેઓ પણ હેરાન થઈ ગયા હતા. મબાહ ગોથોની ઉંમર 145 વર્ષ હતી. આથી તેઓ દુનિયાના સૌથી બુઝુર્ગ વ્યક્તિ બની ગયા છે. તેમ છતા આટલું સારું આયુષ્ય વિતાવ્યા બાદ પણ આજે મબાહ ખુશ નથી. તેઓ છેલ્લા 24 વર્ષથી મૃત્યુની રાહ જોઈ રહ્યા છે.    

આ વાતનો અંદાજો ત્યાંથી લગાવી શકાય છે કે તેમણે વર્ષ 1992માં પોતાને દફનાવવા માટે પોતાની કબર પણ ખોદાવી લીધી હતી. અને આ માટે તેમણે પોતાના પુત્રની કબર પાસે પોતાને દફનાવવાની જગ્યા પસંદ કરી હતી. ત્યારથી માંડીને અત્યાર સુધી બસ પોતાના મરવાની રાહ જોઈ રહ્યા છે. પરંતુ હજુ મોત તેમની નજીક નથી આવી રહી.  

જાણકારીના આધારે મબાહના તો બાળકો પણ મૃત્યુ પામ્યા છે. હાલ તેઓ પોતાના પૌત્ર અને પરપૌત્ર સાથે જીવન વિતાવે છે. મબાહના 4 લગ્ન થયા હતા. તેમની છેલ્લી પત્નીનું મૃત્યુ વર્ષ 1988માં થયું હતું. આટલા વર્ષો સુધી દુનિયા નિહાળી ચૂકેલા મબાહ હવે જીવવા નથી માગતા.