ઇટલીના રિએતીમાં બુધવારે રિક્ટર પેમાના પર 6.1ની તીવ્રતાના ભૂકંપના ઝાટકાનો અનુભવ થયો છે. આ ઘટનામાં બે લોકો મૃત્યુ પામ્યા છે. જ્યારે હજારો લોકો ફસાઇ ગયા હોવાનું સૂત્રોએ જણાવ્યું છે. રાહત અને બચાવનું કાર્ય ચાલુ છે.
આ અંગે પ્રાપ્ત થતી વિગતો અનુસાર આ ભૂકંપ સ્થાનિક સમયાનુસાર સવારે 1:36 વાગ્યે નોંધાયો હતો. આ દરમિયાન રાજધાની રોમમાં પણ ભૂકંપના ઝડપી આચંકા અનુભવાયા હતાં.
રોમ અને મધ્ય ઇટલીમાં અડધી રાતે આવેલા ભૂકંપની શરૂઆતની તીવ્રતા 6.1 નોંધાઇ હતી જો કે યૂએસ જિયોલોજિકલ સર્વેએ તીવ્રતા 6.2 જણાવી હતી. ભૂકંપના કારણે મધ્ય અંબ્રિયા અને લા માર્ચ વિસ્તારોમાં લોકો રસ્તા પર દોડતા જોવા મળ્યા હતાં.
યૂરોપિયન મેડિટેરેનિયન સિસ્મોલોજિકલ સેન્ટરે કહ્યું કે ભૂકંપનું કેન્દ્ર રોમના પૂર્વોત્તરમાં રાઇતી પાસે હતું. રોમના ઐતિહાસિક કેન્દ્રમાં આવેલા મકાનોમાં જોરદાર આચંકાનો અનુભવ થયો હતો.