રવિન્દ્ર જાડેજાની બહેને ઈવેન્ટ મેનેજમેન્ટ કંપની વિરુદ્ધ ઠગાઈ ફરીયાદ કરી જ

ક્રિકેટર રવિન્દ્ર જાડેજાના બેન નયનબા જાડેજાએ અમદાવાદની એબ્સોલ્યુટ નામની ઇવેન્ટ મેનેજમેન્ટ કંપની વિરૂધ્ધ ફરિયાદ નોંધાવી છે. નયના બાનો આરોપ છે કે 17 અપ્રિલ 2016માં રવિદ્ર જાડેજાના લગ્ન સમયે એબસ્યોલ્યૂટ ઇવેન્ટ કંપની સાથે વિવિધ કામ માટે 11 લાખમાં કોન્ટ્રાક્ટ સાઇન થયો હતો. જેમાંથી તેમણે 6 લાખ રૂપિયા એડવાન્સ આપ્યાં હતાં. જો કે કંપનીના મેનેજમેન્ટ દ્વારા યોગ્ય કામગીરી ન કરાતા રવિદ્રના બેને પૈસા પરત માગ્યા હતા ત્યારે કંપનીના મેનેજર સહિત 3 વ્યક્તિએ નયનાબાને ધમકી આપી હતી.

તો બીજી તરફ સવાલ એ પણ થાય છે કે રવિદ્રના લગ્નના આટલા સમય બાદ કેમ ફરિયાદ કરવામાં આવી? હાલ તો રાજકોટ તાલુકા પોલીસ મથકમાં ઇવેન્ટ કંપનીના 3 વ્યક્તિ વિરૂધ્ધ પોલીસ ફરિયાદ દાખલ કરાઇ છે. અને નયના બા દ્વારા ઇવેન્ટ મેનેજમેન્ટ કંપની સાથે કરાયેલા કરારના પુરાવાઓ એકત્ર કરી આગળની કાર્યવાહી હાથ ધરી છે.