રાજકોટ પોલીસે તરઘડીયા પાસેથી 11 લોકોને જુગાર રમતા પકડીને તેમની પાસેથી 6 લાખ રોકડ અને 4 ગાડી મળીને કુલ 81 લાખનો મુદામાલ કબ્જે કર્યો છે. આ હાઈ પ્રોફાઈલ જુગાર ધામમાં દારૂની મહેફિલ પણ ચાલતી હતી.
ઉલ્લેખનિય છે કે તરઘડીયા ગામમાં ભુપત ભરવાડના ફાર્મ હાઉસમાં જુગારધામ ચાલતું હોવાની બાતમીના આધારે રવિવારે સાંજના સમયે પોલીસે રેડ પાડી હતી. દરોડા દરમ્યાન બનાવ સ્થળેથી પોલીસે 11 લોકોની ધરપકડ કરી હતી.
જે પૈકી કેટલાક આરોપીઓ નશાની હાલતમાં જોવા મળ્યા હતા. તો સુત્રો પાસેથી એવું પણ જાણવા મળી રહ્યું છે કે આ પોલીસે ફાર્મ હાઉસના માલિકની તપાસ હાથ ધરી છે અને ઝડપાયેલા આરોપીઓ વિરૂદ્ધ કાયદેસરની કાર્યવાહી હાથ ધરી છે.