રાજકોટની વિવાદીત યુવતી પાયલ બુટાણીનો ફરી એક વખત આંતક સામે આવ્યો છે. પાયલ બુટાણીનાં ત્રાસથી બે યુવતીઓએ મંગળવારની સાંજે પોલીસ કમિશ્નર કચેરીમાં ફિનાઇલ પીને આત્મહત્યા કરવાનો પ્રયાસ કર્યો હતો. પાયલ બુટાણીએ કાલાવડ રોડ પર રહેતી ગાયત્રીબા પરમાર નામની મહિલાનાં ઘરે જઇને ઘમાલ મચાવી હોવાનો બન્ને યુવતીએ આક્ષેપ કર્યો છે.
યુવતીઓનો આક્ષેપ છે કે પાયલની ચાવી પોતાનાં કબજામાં કરીને ફ્લેટને તાળુ મારી દીધુ હતું અને બન્ને યુવતીઓને ફ્લેટમાંથી બહાર કાઢી મુકી છે. કબાટમાંથી એલસીડી ટી.વી સોનાનું પેન્ડલ 4 વિંટી અને 25 હજાર રોકડાની તેમજ સમાધાન કરવાનાં દોઢ લાખ રૂપીયા માંગ્યા હોવાથી યુવતીઓ પોલીસ ફરીયાદ કરવા પહોંચી હતી.
પરંતુ પોલીસે પણ પાયલ વિરૂદ્ધ કોઇ પુરાવા ન હોવાને કારણે ફરીયાદ લેવાને બદલે અરજી લઇને સંતોષ માની લીધો હોવાનો આક્ષેપ કર્યો છે. પાયલ બુટાણી ઉપરાંત ચેતન ગોંડલિયા અને અંકિત શાહ નામના બે વ્યકિતઓ સામે પણ બંને યુવતીઓએ ફરિયાદ કરતા પ્રદ્યુમનનગર પોલીસે તપાસ હાથ ધરી છે.