અમદાવાદ: મહિલા પોલીસ લાંચ મામલો PI દિવ્યા રવૈયાનું નામ પણ ખુલ્યું PI દિવ્યાને

એસીબી લાંચ કેસના મામલે મહિલા પોલિસ સ્ટેશનના પીઆઇ દિવ્યા રવૈયાની સંડોવણી બહાર આવી છે. કોન્ટેબલની પુછપરછમાં પીઆઇ દિવ્યા રવૈયાનુ નામ ખુલ્યુ છે. પીઆઇ દિવ્યા રવૈયાને આસારામ તરફથી ધમકી મળી હોવાનો પણ આક્ષેપ કરી રહ્યા છે. જોકે એસીબી આ સમગ્ર કેસ મામલે કડક કાર્યવાહી કરવાના મુડમાં છે. એસીબી પીઆઇ વિરૂધ્ધ કાર્યવાહી કરશે અને તેમના મકાનની પણ તપાસ કરાશે. 

ઉલ્લેખનીય છે કે અમદાવાદમાં મીઠાખળી ખાતે આવેલા મહિલા પોલીસ સ્ટેશનની 2 મહિલા પોલીસકર્મીઓ રૂપિયા સાત લાખની લાંચ લેતા રંગે હાથે ઝડપાઈ ગઈ હતી. મળતી માહિતી મુજબ એક મહિલાએ એક મહિના પહેલા દુષ્કર્મ અને ઘરેલુ હિંસા અંગેની અરજી મહિલા પોલીસ મથકે કરી હતી. 

આ અરજીમાં એફઆઇઆર નહિ કરવા માટે મહિલા પોલીસ મથકની હેડ કોન્સ્ટેબલ કપિલાબેન તથા રમિલાબેને આ કેસના આરોપીઓ પાસેથી રૂપિયા 7 લાખની રકમ માંગણી કરી હતી. જેમાં મધ્યસ્થી તરીકે અન્ય એક મહિલા પણ સામેલ હતા. આ અંગે એસીબીમાં ફરિયાદ થતા એસીબીએ છટકું ગોઠવીને બે મહિલા પોલીસકર્મી સહિત  ત્રણની ધરપકડ કરી છે. 

ઉલ્લેખનીય છે કે દુષ્કર્મની જે અરજી થઇ હતી તેની તપાસ મહિલા પીઆઈ દિવ્યા રવિયા કરતા હતા પરંતુ એસીબીની ટીમ ત્રાટકી હોવાની જાણ થતા તેઓ પોલીસ સ્ટેશન છોડીને પલાયન થઈ ગયા હતા.