વિશ્વમાં ભારત સાથે સરખામણી કરવાની કોશિશ કરતા પાકિસ્તાનને મોટો ઝટકો લાગ્યો છે. અમેરિકા પાસેથી આઠ F-16 આધુનિક ફાઇટર પ્લેન ખરીદવાનું તેનું સપનું સપનું જ રહેવાનું છે. ભારતના વિરોધ બાદ અમેરિકાએ પાકિસ્તાન સાથેની ડિલ રદ કરી દીધી છે. ત્યારે હવે પાકિસ્તાન જોર્ડન પાસેથી લડાકુ વિમાન ખરીદવાની કોશિશમાં લાગી ગયું છે.
પાક અને અમેરિકા વચ્ચે ફાઇટર પ્લેનને ખરીદવાની ડિલ નક્કી થઇ ગઇ હતી અને પાકને આશા હતી કે અમેરિકા તેને 8 ફાઇટર પ્લેન ખરીદવા માટે ફોરેન મિલિટ્રી ફાઇનાન્સ પ્રોગ્રામ હેઠળ 430 મિલિયન ડોલરની મદદ પણ કરે. પરંતુ અમેરિકી સાંસદે F-16 ફાઇટર પ્લેન ખરીદવા માટે પાકને મદદ કરવાની ના કહી દીધી.