અમેરિકા: ફ્લોરિડામાં એક નાઈટ ક્લબમાં આતંકી હુમલો 53ના મોત 50થી વધુ ઘાયલ

અમેરિકાના ફ્લોરિડામાં એલજીબીટી નાઇટ કલબ પર થયેલા હુમલાને લઈને રાષ્ટ્રપતિ બરાક ઓબામાએ આતંકી ઘટના ગણાવી છે. રવિવારે થયેલી આ ફાયશરગમાં 53 લોકોના મોત થયા છે. 50થી વધુ લોકો ઇજાગ્રસ્ત થયા છે. તો 30 લોકોને બંધક બનાવવામાં આવ્યા હતા.

 જો કે પોલીસે હુમલો કરનાર શખ્સને ગોળી મારીને ઠાર કર્યો હતો. અમેરિકાના ઇતિહાસમાં ફાયરિંગની આ સૌથી મોટી ઘટના છે. હુમલાખોરનું નામ ઓમર માતિન હતું. આશરે 29 વર્ષીય અફઘાન મૂળનો યુવક હતો. તેના માતા અને પિતા બંને અફઘાનિસ્તાનના જ હતા. 

ઓમર માતિનનો કોઇપણ પ્રકારનો ગુનાહિત ઇતિહાસ નથી. તે તો પોલીસ અધિકારી બનવા માગતો હતો. ઓમર માતિન સિકયોરિટી ફર્મ ગૃપ ફોર સિકયોરિટીમાં ગાર્ડ તરીકે નોકરી કરતો હતો. અને તેને એક ગન પણ આપવામાં આવી હતી. માનવામાં આવે છે કે સર્વિસ ગનથી હુમલો કર્યો હોય. જો કે હાલ એફબીઆઇ આ હુમલાને લઇને તપાસ કરી રહી છે. 

ઓબામાનું નિવેદન

હું આજે કહી રહ્યો છું કે આ એક આતંકવાદી કૃત્ય હતું. જે ધિક્કારપાત્ર છે. અમેરિકા આવા કોઈપણ હુમલાખોરોને માફ નહીં કરે. નેશનલ સિકયુરિટીએ આ હુમલાની નોંધ લીધી છે. તેમજ FBI દ્વારા આ હુમલાની તપાસ થઈ રહી છે. FBI આ આતંકી હુમલા બાબતે તમામ પ્રકારની તપાસ કરશે. અને આવી કોઈપણ આતંકી ઘટનાને અંજામ આપનાર કે પછી આતંકી માનસીકતા રાખનારને છોડવામાં આવશે નહીં. 

તો PM મોદીએ પણ ઘટનાને લઈને શોક વ્યકત કર્યો છે. તો ન્યૂઝ એજન્સી રોયટર્સના જણાવ્યા પ્રમાણે આતંકી સંગઠન ઈસ્લામિક સ્ટેટે આ ઘટનાની જવાબદારી સ્વીકારી છે.