ઇસ્લામાબાદઃ ભારત અને અમેરિકાની વધતી દોસ્તી અને પીએમ મોદીના અમેરિકી પ્રવાસ બાદ સંબંધોમાં આવેલી ઘનિષ્ઠતાને કારણે પાકિસ્તાન તો ડરી જ ગયું છે. પરંતુ પાકિસ્તાનના આતંકીઓના પણ બુરાહાલ થઇ ગયા છે. મોસ્ટે વોન્ટેડ પાકિસ્તાની આતંકી હાફિઝ સઇદએ ભારત સાથે અમેરિકાની મિત્રતા વિરૂદ્ધ શુક્રવારે આકરા નિવેદનો આપ્યા છે.
પ્રધાનમંત્રી નરેન્દ્ર મોદીની સફળ અમેરિકી યાત્રા બાદ મુંબઇ હુમલાનો માસ્ટર માઇન્ડ આતંકવાદી હાફિઝ સઇક ખૂબ જ ડરી ગયો છે. હાફિઝ સઇદે શુક્રવારે ઇસ્લામાબાદમાં પાકિસ્તાનની સેનાને કહ્યું છે કે અમેરિકાનો ડ્રોન જોતાની સાથે જ તેને તોડી પાડવામાં આવે.
શુક્રવારની નમાજ પછી હાફિસ સઇદે સંખ્યાબંધ લોકોની વચ્ચે ભાષણ આપ્યું છે અને કહ્યું છે કે ભારત અને અમેરિકા પાકિસ્તાન વિરૂદ્ધ દુશ્મની માટે એકજૂથ થઇ ગયા છે. ઇસ્લામા બાદમાં એક મસ્જિદમાં શુક્રવારે નમાજ બાદ આતંકી સઇદે અમેરિકા વિરૂદ્ધ નિવેદન આપ્યું છે સાથે જ પાકિસ્તાની સેનાને કહ્યું છે કે જો કોઇ પણ અમેરિકી ડ્રોન પાકિસ્તનની સીમામાં પ્રવેશે તો તેને પાડી દેવામાં આવે.