34 દેશોવાળા મિસાઇલ ટેકનોલોજીના પ્રસારને અટકાવતા મહત્ત્વના સંગઠન મિસાઇલ ટેકનોલોજી રિજાઇમાં ભારતના પ્રવેશનો માર્ગ મોકળો બની ગયો છે. MTCRના નામથી જાણીતા આ સંગઠનના તમામ સભ્યો ભારતને સમાવવા સંમત થઇ ગયા છે.
બેલિસ્ટિક મિસાઇલની ટેકનોલોજીના ગેરકાયદેસર પ્રસાર વિરૂદ્ધના હેગ કોડ ઓફ કન્ડટ પર ભારતે હસ્તાક્ષર કર્યાના થોડા જ દિવસોમાં ભારતને આ મોટી સફળતા મળી છે. MTCRમાં પ્રવેશ માટે હેગ કોડ ઓફ કન્ડટ પર હસ્તાક્ષર અનિવાર્ય છે.
ભારતે MYCRમાં પ્રવેશ માટે ગયા વર્ષે અરજી કરી હતી. પરંતુ કેટલાક સભ્યદેશો દ્વારા તેનો ઉગ્ર વિરોધ કરાયો હતો. આ સંગઠનમાં દરેક નિર્ણય સર્વસંમતિથી થાય છે. અત્રે ઉલ્લેખનીય છે કે અમેરિકા MTCR NSG અને વાસેન્નાર એરેન્જમેન્ટમાં ભારતના સમાવેશ માટે જોરદાર તરફેણ કરી રહ્યો છે.
શું છે MTCR?
એપ્રિલ 1987માં સ્થપાયેલ MTCRના 34 સભ્યો છે
રાસાયણિક જૈવિક અને પરમાણુ શસ્ત્રોનું થાય છે વહન
અમાનવ ડિલિવરી સિસ્ટમ છે
બેલિસ્ટિક મિસાઇલની ટેકનોલોજીના પ્રસાર પર નિયંત્રણ રાખે છે