મસૂદનો નાપાક દાવો મને પકડવા ભારતે તાલિબાનને પૈસા આપવાની ઓફર કરી હતી

પઠાણકોટ હુમલાના આતંકી અને જૈશ એ મહોમ્મદના ચીફ મોલાના મસૂદ અઝહરે દાવો કર્યો છે. તેના પછી રાજકારણ ગરમાઇ શકે છે અને એકવાર ફરી કોંગ્રેસ સરકાર નવા વિવાદમાં ફસાઇ શકે છે. 

 

પાકિસ્તાનમાં પોતાના મૂળ જમાવીને બેઠેલા જૈશ એ મહોમ્મદના ચીફ મોલાના મસૂદ અઝહરે ચોંકાવનારો દાવો કર્યો છે. તેણે કહ્યું છે કે  

ભારતે તેને પકડવા માટે તાલિબાનને પૈસા આપવાની ઓફર કરી હતી. અઝહરના મતે. આ ઓફર વર્ષ 1999માં ઇન્ડિયન એરલાયન્સની હાઇજેક થયેલી ફ્લાઇટ IC-814ના બદલે તેને છોડવામાં આવ્યો હતો અને મસૂદને મુકત કર્યા બાદ આ નિર્ણય લેવાયો હતો. 

 

અઝહરે કહ્યું છે કે આ ઓફર તત્કાલિન ભારતીય વિદેશ મંત્રી જશવંત સિંહે તાલિબાની લીડર મુલ્લા અખ્તર મહોમ્મદ મંસૂરને આપી હતી. મુલ્લા મંસૂર હાલમાં જ અમેરિકી ડ્રોન હુમલામાં માર્યો ગયો છે. મસૂદે આ વાત જૈશના ઓનલાઇન મુખપત્ર અલ કલામ વીકલીના અંકમાં લખી છે. અઝહરના મતે. ભારત સરકારે તાલિબાન સરકારને આ ઓફર કરી હતી. જેમાં મસૂદની સાથે બે અન્ય આતંકીઓની પણ ધરપકડ કરીને ભારત મોકલવાની શરત રાખવામાં આવી હતી. 

 

મસૂદનો આ દાવો કેટલો સાચો છે. તે તો આવનારો સમય જ કહેશે પણ મસૂદના આ દાવા બાદ કોંગ્રેસ સરકાર પર ફરી સવાલો ઊભા થઇ શકે છે.