એક તરફ યુરોપીયન દેશો પુરની માર જેલી રહ્યા છે. તેવામાં વરસાદ અને તોફાનની અસર ઓસ્ટ્રેલિયામાં પણ છે. ઓસ્ટ્રેલિયામાં સિડની સહિતના કેટલાક વિસ્તારોમાં ભારે તોફાન સાથે વરસાદ વરસી રહ્યો છે.
જેમાં મોટી સંખ્યામાં ઘરને નુકશાન થયું છે અને લોકોના સ્થળાંતરની ફરજ પડી છે. પરિસ્થિતી વણસી જતા ઈમરજન્સી સર્વિસને શરૂ કરી દેવામાં આવી છે. સમુદ્રમાં ઉંચા ઉછળતા મોજાને પગલે લોકોને બીચ પાસે ન જવા ચેતવણી આપી દેવાઈ છે.
યુરોપમાં આવેલા ભીષણ પુર બાદ હવે હાલાત ધીમે ધીમે સામાન્ય થવા તરફ આગળ વધી રહ્યા છે. સીન નદીના પાણીનુ સ્તર ધીરે ધીરે નીચે જઈ રહ્યું છે. જો કે તે છતાં સ્થાનિકોમાં હજુ ભય ફેલાયેલો છે.
આ તરફ રસ્તાઓ પર ફેલાયેલા પાણીને હટાવવા પાંચ કલાકનું ઓપરેશન શરૂ કરાયુ હતું અને ફાયર ફાઈટરે 1 મિલિયન ગલુન કરતા વધુ પાણીનું પંપીંગ કર્યુ હતું.
મહત્વનું છે કે પેરિસમાં 100 વર્ષ બાદ મે મહિનામાં આટલો વરસાદ વરસ્યો છે. જેમાં ફ્રેંચ ઓથોરીટીને ભારે નુકશાન પણ થયું છે. ધ ફ્રેંચ ઈન્શ્યોરન્સ એસોસિએશનના અનુમાન અનુસાર ફ્રાંસને 680 મિલિયન ડોલરનું નુકશાન થયું છે.