ટ્રમ્પે મીડિયા અને અમેરિકાની જૂની સરકારને નિશાને લીધી

રાષ્ટ્રપતિ પદની ચૂંટણીમાં રિપબ્લિકન ઉમેદવાર ડોનાલ્ડ ટ્રમ્પ હંમેશાથી પોતાના વિવાદાસ્પદ નિવેદનો તેમજ પોતાની નીતિઓના કારણે ચર્ચામાં રહે છે. તો તેમની નીતિઓની મીડિયામાં પણ આલોચના કરવામાં આવે છે. 

આ જ પ્રકારની આલોચના કરવા વાળી એક લોકપ્રિય ટેલિવિઝન એન્કરનો બહિષ્કાર કરવાની ટ્રમ્પે અપીલ કરી છે અને આ અપીલની સાથે ટ્રમ્પે હવે વધુ આલોચનાઓનો સામનો કરવો પડી રહ્યો છે. ટ્રમ્પે ટ્વીટ કરીને કહ્યું હતું કે મેગીન કેલીના કાર્યક્રમનો દરેકે બહિષ્કાર કરવો જોઈએ. ટ્રમ્પના ટ્વીટ બાદ અનેક પત્રકારો મેગિન કેલીના સમર્થનમાં આગળ આવ્યા છે.

તો અમેરિકામાં રાષ્ટ્રપતિ પદની ચૂંટણીમાં રિપબ્લિકન પાર્ટી તરફથી નોમિનેશન માટે સૌથી આગળ ચાલી રહેલા ડોનાલ્ડ ટ્રમ્પે અમેરિકાની જૂની સરકાર પર પણ નિશાનો સાધ્યો છે. અમેરિકાના ઉટાહના સૉલ્ટ લેક સિટીમાં એક કેમ્પેઈન દરમિયાન ટ્રમ્પે કહ્યું છે કે અમેરિકા દુબઈ અને ચીન કરતા ઘણું પાછળ છે. પરંતુ જો ટ્રમ્પ પોતે રાષ્ટ્રપતિ બનશે તો તેમાં ચોક્કસથી સુધાર આવશે અને અમેરિકામાં ફરી ડેવેલોપ કરવામાં આવશે. ટ્રમ્પે સાથે જ ISISના ખાત્માની પણ વાત કરી છે. 

વાતો વાતોમાં તો ટ્રમ્પે બરાક ઓબામા પર પણ નિશાન સાધી દીધું અને તેમને અમેરિકા માટે અયોગ્ય વ્યિકત ગણાવ્યા સાથે જ અમેરિકાવાસીઓને યોગ્ય વ્યિકતની પસંદગીની સલાહ પણ આપી. ટ્રમ્પ હવે આગામી સુપર ટયુઝડેની તૈયારી કરી રહ્યા છે. 22 માર્ચના રોજ અમેરિકાના સામોઆ ઉટાહ અને એરિઝોનામાં પ્રાઈમરી ઈલેકશન યોજાશે અશહ કુલ 100થી વધુ ડેલિગેટ્સ હશે..