મારિયા શારાપોવાને સંયુક્ત રાષ્ટ્ર ગુડવિલ એંબેસેડર પરથી સસ્પેન્ડ કરાઈ

ડ્રગ ટેસ્ટમાં ફેલ હોવાના ખુલાસા બાદ રશીયાની મારિયા શારાપોવાને સંયુકત રાષ્ટ્ર ગુડવિલ એંબેસેડર પરથી સસ્પેન્ડ કરવામાં આવી છે. સંયુકત રાષ્ટ્રના વિકાસ કાર્યક્રમમાં વર્ષ 2007માં ગુડવિલ એંબેસેડર તરીકે તેને જોડવામાં આવી હતી. 

પાંચ વાર ગ્રાંડ સ્લેમ જીતી ચુકેલી મારિયા શારાપોવાએ આ ખુલાસો કર્યો હતો. તેણે જણાવ્યું હતું કે તે ઓસ્ટ્રેલિયન ઓપન સમયે ડ્રગ ટેસ્ટમાં ફેલ થઇ ગઇ હતી. આ ખુલાસા બાદ શારાપોવા પર એક વર્ષનો પ્રતિબંધ લાગી શકે છે. તો નાઇકીએ તેની સાથે પોતાનો કોન્ટ્રાકટ તોડી નાખ્યો છે.