સરકાર ઝુકી !પાટીદારો પર લાગેલા હડવા ગુના પાછા લેવાશે

પાટીદાર અનામત આંદોલન મામલે ગુજરાત સરકાર અને પાટીદાર આગેવાનો વચ્ચે અનેક મંત્રણાઓ બાદ આશાની કિરણ દેખાઈ છે. સરકારે અનામત આંદોલન દરમિયાન પાટીદારો પર થયેલા કેસો પરત ખેંચવાની તૈયારી બતાવી છે. રાજ્ય સરકારનાં પ્રવક્તા નીતિન પટેલે જાહેરત કરી છે. મુખ્યમંત્રી આનંદીબેન પટેલે ગૃહવિભાગને 74 કેસો પરત ખેંચવા આદેશ કર્યા છે. મહત્વનું છે કે 18 જીલ્લામાં નોંધાયેલા 74 કેસોની એફઆઈઆરમાં 382 લોકોની ધરપકડ થઈ હતી... સરકારનાં જણાવ્યા મુજબ તમામ કેસોની ચકાસણી બાદ નિર્ણય લેવાશે અહીંયા મહત્વનું છે કે હાલ 14 પાટીદારો જેલમાં છે ત્યારે હાર્દિક પટેલને આ મામલે કોઈ રાહત નહી મળે તેવું પણ સૂત્રો જણાવી રહ્યાં છે.