આંધ્ર પ્રદેશની GIALની પાઈપલાઈનમાં આગ લાગતા 15નાં મોત

આંધ્ર પ્રદેશનાં ઈસ્ટ ગોદાવરી પાસે આવેલાં ગેસ ઓથોરિટી ઓફ ઈન્ડિયા લિમિટેડ(ગેઈલ)નીપાઈપ લાઈનમાં વહેલી સવારે બ્લાસ્ટ થતાં ભિષણ આગ લાગી હતી. આ ઘટનામાં 15  લોકોનાં મોત થયા છે. જ્યારે 15થી વધુ ઘાયલ થયા છે.સવારે 5.30 વાગ્યાની આસપાસ GAILની પાઈપ લાઈનમાં બ્લાસ્ટ થયો હતો. હાલમાં આ આગ કાબુમાં આવી ગઈ છે. જોકે ગેસ સપ્લાય બંધ કરી દેવામાં આવ્યો છે. આ દુર્ધટના બાદ 26 ફાયર બ્રિગેડની ટીમ ઘટના સ્થળે પહોંચી ગઈ હતી. અને તેમણે આખા વિસ્તારને ખાલી કરવાની કામગીરી હાથ ધરી હતી.આ મામલે આંધ્રનાં મુખ્ય પ્રધાન ચંદ્રાબાબુ નાયડુએ ટ્વિટ કરીને દુખ વ્યકત કર્યું હતું તેમણે જણાવ્યું હતું કે "મારી સંવેદનાઓ મૃતકોનાં પરિવારજનો સાથે છે. જેમણે આ ઈસ્ટ ગોદાવરી બ્લાસ્ટમાં તેમનો જીવ ગુમાવ્યો છે. ભવિષ્યમાં આવી કોઈ દુર્ધટના ન થયા તે માટેનો એકશન પ્લાન અને તપાસ કરવાના આદેશ આપી દેવામાં આવ્યાં છે." વડા પ્રધાન નરેદ્ર મોદીએ પણ દુર્ઘટના મામલે દુઃખ વ્યક્ત કર્યું છે. મૃતકોના પરિવારજનોને 2 લાખની સહાયની જાહેરાત કરી છે.