ગુજરાતના પ્રથમ મહિલા મુખ્યમંત્રી તરીકે આનંદીબહેન પટેલે શપથ લીધા છે. ગાંધીનગરમાં મહાત્મા મંદિર ખાતે શપથવિધિ યોજાઈ હતી. જેમાં આનંદીબહેનની સાથે સાથે ગુજરાતના નવા મંત્રીમંડળે પણ શપથ લીધા હતા. શપથવિધિમાં ભાજપના ટોચના નેતાઓ અને ભાજપ શાસિત રાજ્યોના મુખ્યમંત્રીઓ પણ ઉપસ્થિત રહ્યા હતા. નવી કેબિનેટમાં 6 મંત્રીઓનો સમાવેશ કરવામાં આવ્યો છે.જ્યારે રાજ્યકક્ષાના મંત્રીમંડળમાં 14 મંત્રીઓનો સમાવેશ કરવામાં આવ્યો છે. રાજ્યનાં પ્રથમ મહિલા મુખ્યમંત્રી તરીકે આજે બપોરે 12.39 વાગ્યે આનંદીબહેન પટેલે ગાંધીનગરનાં મહાત્મા મંદિર ખાતે શપથ ગ્રહણ કર્યા હતા. આ પ્રસંગે નરેન્દ્ર મોદી અડવાણી રાજનાથસિંહ નીતિન ગડકરી સહિતના દિગ્ગજ નેતાઓ ઉપરાંત વિવેક ઓબેરોય સહિતના મહેમાનો ઉપસ્થિત રહ્યા હતા. આ પ્રસંગે પૂર્વ મુખ્યમંત્રી કેશુભાઈની ઉપસ્થિતિએ સૌનું ધ્યાન ખેંચ્યું હતું.
સાથે જ નિર્ઝરના ધારાસભ્ય કાંતિભાઈ ગામીત દેવગઢ બારીયાના ધારાસભ્ય બચુભાઈ ખાબડ જયેશ રાદડીયા તારાચંદ છેડા શંકરભાઈ ચૌધરી જયંતી કવાડીયા નાનુભાઈ વાનાણીએ લીધા રાજ્યકક્ષાના મંત્રી તરીકે શપથ લીધા. દરેકના શપથગ્રહણ બાદ હોલમાં ગુંજે છે 'ભારત માતા કી જયના નારા' ઉપરાંત રાજકોટના ગોવિંદભાઈ પટેલ રજનીકાંત પટેલ જયદ્રથસિંહ પરમાર છત્રસિંહ મોરી જામનગરના વસુબેન ત્રીવેદી પ્રદીપસિંહ જાડેજાના રાજ્યકક્ષાના મંત્રી તરીકે શપથ લીધા. તો પોરબંદરના ધારાસભ્ય બાબુભાઈ બોખીરીયા દિલીપ વિરાજી ઠાકોરની રાજ્યકક્ષાના મંત્રી તરીકે શપથ લીધા. ભુપેન્દ્રસિંહ ચુડાસમા સૌરભભાઈ પટેલે ગણપત વસાવાએ લીધા શપથ લીધા.
નીતિન ગડકરી અડવાણી અને સુષ્મા સ્વરાજ ગોપીનાથ મુંડે સહિતના દિગ્ગજ નેતાઓ ઉપસ્થિત રહ્યા હતા વિવેક ઓબેરોય પણ ઉપસ્થિત રહ્યા હતા. વિવેક ઓબેરોયે આનંદીબેનના વખાણ કરતા જણાવ્યું હતું કે આનંદીબેન રિયલ લાઈફ એકશન હિરોઈન છે. તેમણે ગુજરાતના વિકાસ માટે વર્ષો સુધી કામ કર્યુ છે.વૈંકેયા નાયડુ અનંત કુમાર મુરલી મનોહર જોશી પણ ઉપસ્થિત રહ્યા હતા.