`કેજરીવાલ કરતા રાખી સારી શાસક'

અરવિંદ કેજરીવાલ પર કટાક્ષ કરવાની આજકાલ ફેશન ચાલી છે.કોઈ યેડા કહે છે તો કોઈ આઈટમ ગર્લ શિવસેનાના મુખપત્ર સામનામાં ઉદ્ધવના નિવેદનને રાખી સાવંતે સમર્થન આપ્યું છે.ઉદ્ધવે પોતાના સંપાદકીય લેખમાં કહ્યું હતું કે રાખી સાવંત અરવિંદ કેજરીવાલ કરતા વધુ સારી શાસક બની શકે છે.ત્યારે રાખીએ ઉદ્ધવના સમર્થનમાં જણાવ્યું છે કે તેમને નથી લાગતું કે કેજરીવાલ કશું કરી શકશે. 

આઈટમ ગર્લ રાખી સાવંતે કહ્યું કે તેણીએ સામનામાં છપાયેલો લેખ વાંચ્યો છે.ઉદ્ધવે જે પણ લખ્યું છે તે સાચું છે.રાખીએ કહ્યું કે તેણી મરાઠી છે અને ઉદ્ધવ કોઈ મરાઠી વિરુદ્ધ ન બોલી શકે.તેણીએ કહ્યંૅ કે ઉદ્ધવ લોકોની સેવા કરીને સારુ કામ કરી રહ્યા છે.રાખીને ઉદ્ધવના લેખ વિશે પૂછવામાં આવતા રાખીએ કહ્યું કે તેણીની તુલના કેજરીવાલ સાથે થાય તે પસંદ નથી.પરંતુ ઉદ્ધવે તો તેણીને કેજરીવાલ કરતાં સારી શાસક ગણાવી છે.તો તેણીને કઈં જ ખોટું લાગ્યું નથી. 

મહત્વનું છે કે કોંગ્રેસ મહાસચિવ દિગ્વિજયસિંહે કેજરીવાલની તુલના રાખી સાથે કરી હતી.રાખીએ કહ્યું કે તેમની તુલના કોઈ કેજરીવાલ સાથે કરે તે તેમને પસંદ નથી.જ્યારે રાખીને કેજરીવાલ વિશે પોતાના વિચારો જણાવવા કહેવામાં આવ્યું ત્યારે રાખીએ જણાવ્યું કે દિલ્હીની જનતાએ ચૂંટયા છે.કેજરીવાલે પોતાના અધિકારોનો ઉપયોગ કરી લોકોની સેવા કરવી જોઈએ.જે વાયદાઓ કેજરીવાલે ચૂંટણીમાં કર્યા છે તે પૂરા કરવા જોઈએ.રસ્તાઓ પર ઉતરી હંગામો કરવાની જગ્યાએ ચૂપ રહીને કામ કરવું જોઈએ.અંતમાં રાખીએ એમ પણ જોડી દીધું કે તેણીને નથી લાગતું કે કેજરીવાલ સારું કાર કરી શકશે.