ગુજરાતમાં ડિસેમ્બર મહિનામાં અસંખ્ય NRI ફરવા માટે આવે છે. ત્યારે એક NRI પરિવારે પાટડીના વઘાડા ગામની કર્ણાવતી હાઈસ્કુલની મુલાકાત લીધી હતી. આ પરિવારે મોજશોખમાં પૈસા વેડફવાને બદલે સ્કૂલના બાળકો સાથે સમય પસાર કર્યો હતો. બાળકો સાથે તેમણે ભારતીય શિક્ષણ અને સંસ્કૃતિ અંગે વાતચીત કરી હતી. આ પરિવાર સ્કૂલના બાળકોનું ડિસિપ્લિન જોઈ આશ્ચર્યચકિત થયો હતો.
આપણી શૈક્ષણિક પદ્ધતિની માહિતી મેળવવા એક NRI પરિવાર પાટડી તાલુકાના વઘાડા ગામની કર્ણાવતી હાઈસ્કૂલનો મહેમાન બન્યો. સ્કૂલના બાળકો સાથે વાતો કરી રહેલા સાવિત્રી અને જયદેવશસહ કેલિફોર્નિયાથી અહીં આવ્યા છે. તેમના માતાપિતા ઝીંઝુવાડાના છે. પરંતુ છેલ્લા 30 વર્ષથી આ પરિવાર કેલિફોર્નિયામાં રહે છે. ત્યારે અહીંની શાળાના વિદ્યાર્થીઓના યુનિફોર્મ પ્રાર્થના ડિસિપ્લીન અને એકતા જોઈને આ પરિવાર ખૂબ જ આનંદિત થઈ ઉઠયો હતો. સાવિત્રી કેલિફોર્નિયા યુનિવર્સિટીમાં ઈકોનોમિ~સ વિષયમાં બીજા વર્ષમાં અભ્યાસ કરે છે. અને એમેરિકન કોંગ્રેસમાં ઈન્ટર્ન છે. સાવિત્રી અને તેમનો ભાઈ જયદેવસિંહ એમેરિકામાં જન્મ્યા હોવા છતાં પણ ભારતીય સંસ્કૃતિ અને શાસ્ત્રોને ભૂલ્યા નથી.
મોજશોખ કરવાને બદલે આ NRI અહીંના શિક્ષણ અંગે જાણવા પાટડી તાલુકાની શાળામાં પહોંચી ગયા. અને બાળકો સાથે વાતચીત કરી આનંદ માણ્યો. સાવિત્રી અને જયદેવશસહ બંને ભારતીય શિક્ષણની પરંપરાને પ્રથમ વખત જોઈ આશ્ચર્યમાં મૂકાયા હતા. આ NRIએ કર્ણાવતી સ્કુલના બાળકો સાથે વિવિધ પ્રકારની રમતો રમવાની તથા નાસ્તાની પણ મજા માણી. વિદેશમાં રહીને પણ પોતાની સંસ્કૃતિ અને શિક્ષણ પદ્ધતિને યાદ કરતો આ NRI પરિવાર અન્ય NRI માટે પ્રેરણારૂપ છે.