પાલનપુરના માર્કેટયાર્ડમાં વેચાતા એરંડા રૂ. 900ને પાર

એરંડામાં તેજીનો ટોન શરુ થયો છે. છેલ્લા પંદર દિવસમાં જ પાલનપુરના માર્કેટયાર્ડમાં રૂ. 650માં વેચાતા એરંડાએ રૂ. 900ને પાર કરી દીધા છે. ત્યારે ખેડુતોને ફાયદો કરાવતા આ ભાવમાં હજુ તેજી આવે તેવી વેપારીઓ ધારણાં રાખી રહ્યા છે.  

તમામ ખેત ઉત્પાદનમાં એરંડાનો પાક હાલમાં તેજી તરફ જઈ રહ્યો છે.  છેલ્લા પંદર દિવસ માં જ એરંડાના પાકમાં રૂ. 150 થી 200 સુધારો થયો છે. હાલમાં એરંડાનો જુનો જથ્થો વેચાણમાં આવી રહ્યો છે. તેમ છતાં પાલનપુર માર્કેટયાર્ડમાં દૈનિક પાંચ હજાર બોરીની આવક થઈ રહી છે. મીલો માટે ખરીદી કરતા વેપારીઓ એરંડામાં તેજી જોઈ રહ્યા છે. અને રૂ. એક હજારનો ભાવ કુદાવે તેવી ધારણાં રાખી રહ્યાં છે.  

રાજસ્થાનમાં થયેલા પાછોતરા વરસાદને કારણે ઉત્પાદન ઓછુ થયું હતુ. તથા  આ વર્ષે એરંડાના નવા ઉત્પાદનમાં ઠંડી અને ગરમીને અસરને કારણે વેપારીઓને સવા કરોડ જેટલી બોરીનું ઉત્પાદન થવાની ધારણાં હતી જેમાં 25 ટકા જેટલો ઘટાડો જોવા મળ્યો છે. જેથી એરંડામાં તેજી જળવાય તેવું વેપારીઓ માની રહ્યાં છે. એરંડા પકવતા ખેડુતોનો નવો માલ બજારમાં આવવાની હજુ 15 દિવસની વાર છે. ત્યારે એરંડાના બજાર સુધરી રહ્યા હોવાથી નવા ઉત્પાદનથી ખેડૂતોને $ 1 હજાર ઉપરનો ભાવ મળે તેવી શક્યતાઓ છે.