વડોદરા શહેરના વિકાસ માટે વડોદરા કોર્પોરેશને વધુ 26 ટીપી સ્કીમોને રાજ્ય સરકારની મંજુરી મળી જાય તેવા પ્રયાસો હાથ ધર્યા છે. જો કે નવી મંજુર કરાયેલી 26 ટીપી સ્કીમો કરતા પણ જૂની 42 જેટલી ટીપી સ્કીમો છે જેને હજુ પણ મંજુરી મળી નથી તો બીજી તરફ નવી ટીપી સ્કીમોમાં જમીનોમાં 40 ટકા કપાત કરવા સામે વિપક્ષે વિરોધ વ્યકત કર્યો છે.
વડોદરા શહેરના થઇ રહેલા ઝડપી વિકાસ ને જોતા નવા વિકસિત થઇ રહેલા વિસ્તારોમાં રસ્તા ગટર અને પાણી સહીત ની જીવન જરૂરીયાત ની સુવિધા લોકો ને મળી રહે તે જરૂરી છે. આ શહેરના વિવિધ વિસ્તારોમાં નવી ટીપી સ્કીમો મુકવા માટે વડોદરા કોર્પોરેશને પ્રયાસો હાથ ધર્યા છે અને ગત એપ્રિલ માસમાં કોર્પોરેશનેની સામાન્ય સભામાં ઐતિહાસિક 26 જેટલી ટીપી સ્કીમોને મંજુરી આપવામાં આવી હતી. આ ટીપી સ્કીમોને હવે સરકાર તરફથી મંજુરી આપવામાં આવી રહી છે.31 માર્ચ સુધી માં આ નવી ટીપી સ્કીમો ને મંજુરી મળી જાય તેવા કોર્પોરેશને પ્રયાસો શરુ કર્યા છે.
જો કે વાસ્તવિકતા તો એ છે કે 1985 નાં વર્ષ ની આસપાસ સુધી મુકવામાં આવેલી 42 જેટલી ટીપી સ્કીમો ને હજુ પણ મંજુરી આપવામાં આવી નથી. આ ટીપી સ્કીમો જે વિસ્તાર માં છે તે વિસ્તાર અત્યાર સુધી જાતે જ વિકસિત થઇ ગયા છે. કોર્પોરેશને ત્યાં તમામ સુવિધા પૂરી પણ પાડી છે . વિપક્ષ કોંગ્રેસે આરોપ લગાવ્યો છે કે એક તરફ જૂની ટીપી ને હજુ મંજુરી મળી નથી તો બીજી તરફ નવી ટીપી સ્કીમો માં જમીનો માં વધુ 40 ટકા કપાત કરવા નો નિર્ણય કરાયો તે યોગ્ય નથી.
નવી ટીપી સ્કીમો ને મંજુરી આપીને વડોદરાનાં નવા વિકસિત થઇ રહેલા વિસ્તારોમાં લોકોને જલ્દી સુવિધા મળી રહે તે જરૂરી છે પણ જૂની સ્કીમો જે મંજુરીની રાહ જોઈ ને બેઠી છે તેના પર પણ તંત્ર ધ્યાન આપે તે જરૂરી છે.