વહેલી તકે ગુજરાતને સસ્તો CNG મળશે

ગુજરાતને વહેલી તકે મુંબઈ અને દિલ્હીના ભાવે સસ્તો CNG મળશે. પેટ્રોલિયમ વિભાગના સંયુક્ત સચિવે આ અંગે ગુજરાત હાઈકોર્ટ સમક્ષ ખાતરી આપી છે. સંયુક્ત સચિવ પી. કે. સિંઘે કોટમાં બાયંધરી આપતા જણાવ્યું કે સસ્તા CNG મામલે જે કાંઈ ટેકનિકલ ખામીઓ હતી તેને ઉકેલી લેવામાં આવી છે. પેટ્રોલિયમસચિવે જણાવ્યું કે GSPL અને PLLની કનેક્ટીવીટીથી હવે ગુજરાતને CNG પૂરો પાડવામાં આવશે. તેમના મતે વહેલામાં વહેલી તકે સસ્તો CNG મળે તે માટે હવે બધો જ દારોમદાર ગુજરાતની ગેસ કંપનીઓ પર રહેલો છે. ગુજરાતની ગેસ કંપનીએ ગેઈલ સાથે જેટલો વહેલો કરાર કરશે તેટલો વહેલો સસ્તો CNG મળશે. તેમના મતે દરેક કંપનીઓને ડ્રાફ્ટ એગ્રિમેન્ટ મોકલી દેવાયો છે.