ભાવનગરની અંકુર મંદબુદ્ધિ શાળાના વિદ્યાર્થીએ દેશનું ગૌરવ વધાર્યું છે. રાકેશ રાઠોડે ઓસ્ટ્રેલિયામાં યોજાયેલા વર્લ્ડ એશિયાટિક રમતોત્સવમાં ભાગ લીધો હતો. અને સિલ્વર મેડલ મેળવ્યો છે.
ઓસ્ટ્રેલિયામાં માનસિક વિકલાંગોની વર્લ્ડ એશિયાટિક રમતોત્સવ યોજાયો. જેમાં રાજ્યના કુલ 8 ખેલાડીઓએ ભાગ લીધો હતો. આ સ્પર્ધામાં ભાવનગરના રાકેશે પણ 100 મીટર દોડમાં ભાગ લીધો હતો. અને દેશને સિલ્વર મેડલ અપાવ્યો છે. રાકેશ રાજ્યની ખેલ મહાકુંભમાં પણ ગોલ્ડ મેડલ મેળવી ચુક્યો છે. રાકેશ બોલી શકતો નથી. પરંતુ તેની સિદ્ધિ રાકેશની વાચા છે.
રાકેશ અત્યારે મંદબુદ્ધિ શાળામાં તાલીમ લઈ રહ્યો છે. રાકેશ સામાન્ય પરિવારમાંથી આવે છે. પરંતુ તેની અનેક ખામીઓને આ ખુબીએ ઢાંકી દીધી છે. રાકેશમાં ભાવનગરમાં ઉષ્માભેર સ્વાગત કરાયું હતું. ઈશ્વર એક દરવાજો બંધ કરે તો દસ દરવાજા ખોલી દે છે. રાકેશ માટે પણ કંઈક આવું જ છે. ભલે તેને વાચા નથી. પરંતુ આ શક્તિએ તેને આજે દેશભરમાં પ્રસિદ્ધી અપાવી છે.