વડોદરામાં ચાર રસ્તા ઉપર બનાવાયેલા સર્કલ વિવાદનું કેન્દ્ર

વડોદરામાં ચાર રસ્તા ઉપર બનાવાયેલા સર્કલ વિવાદનું કેન્દ્ર બન્યા છે. શહેરે ખુબસુરત બનાવવા મોટા અને આકર્ષક સર્કલ બનાવાયા હતા. જે હવે ટ્રાફિકમાં નડતરરૂપ થતા તોડવામાં આવી રહ્યા છે. ત્યારે વિપક્ષે શાસક પક્ષને કોન્ટ્રાક્ટરોને કમાઈ આપવાના આક્ષેપો કર્યા છે.  

વડોદરામાં શહેરની સુંદરતામાં વધારો કરવા મોટાભાગના ચાર રસ્તા પર વિવિધ થીમ સાથે  મોટા સર્કલ બનાવાયા છે. લાખો રૂપિયાના ખર્ચે બનાવવામાં આવેલા આ સર્કલ હવે ફરીથી લાખો રૂપિયાના ખર્ચે તોડવામાં આવી રહ્યા છે. શહેરમાં વાહનોની સંખ્યા વધતા મોટા સર્કલને લીધે ટ્રાફિકની સમસ્યા વર્તાય છે. જેને કારણે આ સર્કલો તોડીને નાના કરવામાં આવી રહ્યા છે.તો શાસકપક્ષની આ કામગીરીને લઈને વિપક્ષે અણધડ વહીવટના આક્ષેપને લઈને કોન્ટ્રાક્ટરોને કમાવી આપવાની નીતિની ટીકા કરી.  

હોંશિયાર બાબુઓ આમતો શહેરના ભાવિને ધ્યાનમાં લઈને વિકાસના કામોનું આયોજન કરે છે. પરંતુ પ્રજાના પૈસાનો વ્યય કરીને કોન્ટ્રાક્ટરો કમાવી આપવામાં પણ કેવી હોંશિયારી વાપરે છે તે આ કામ પરથી  પ્રજાજનો સમજી શકે છે.