FACT CHECK / શું અમદાવાદનું નામ બદલીને કર્ણાવતી કરી દેવામાં આવ્યું છે?

સોશ્યલ મીડિયામાં એક પોસ્ટ વાયરલ થઈ હતી કે અમદાવાદનું નામ બદલીને કર્ણાવતી કરી દેવામાં આવ્યું છે. 

થોડા દિવસ પહેલાથી ટ્વિટર પર આ પ્રકારનું એક અભિયાન ચલાવવામાં આવી રહ્યું હતું.
તેનાં સંબંધિત એક હેશટેગ પણ ચલાવવામાં આવ્યું હતું. જેમાં અમદાવાદનું નામ બદલીને કર્ણાવતી કરવાની માંગ કરવામાં આવી હતી. 
ફેસબુક પર પણ આ પ્રકારની પોસ્ટ અનેક અકાઉન્ટ્સમાંથી શેર કરવામાં આવી હતી. જેમાં કેપ્શનમાં BIG Breaking News એવું પણ લખવામાં આવ્યું હતું. 
એક પોસ્ટમાં દેખાઈ રહ્યું હતું કે આજે અને અત્યારથી જ અમદાવાદનું નામ બદલીને કર્ણાવતી કરવામાં આવ્યું છે. વધામણાં અટકવા ન જોઈએ. 

આ રહી આ માહિતી દર્શાવતી કેટલીક પોસ્ટ

*BIG Breaking News:- आज और अभी से #अहमदाबाद का नाम #कर्णावती कर दिया गया है। बधाई रुकनी नही चाहिए साथियों* 🚩🚩🙏 pic.twitter.com/UyQf6w2X6X

— Digvijay Singh Thakur (@digvijay12a) October 15, 2021

ફેક્ટચેક: શું છે સાચી હકીકત 
અમદાવાદનું નામ બદલવાની જાહેરાતને લઈને આધુકૃત નિવદન 2018 માં તત્કાલિન ઉપ મુખ્યમંત્રી નીતિન પટેલ દ્વારા આપવામાં આવ્યું હતું. તેમણે ઉત્તરપ્રદેશનાં મુખ્યમંત્રી યોગી આદિત્યનાથની પ્રશંસા કરતાં કહ્યું હતું કે ઉતરપ્રદેશની માફક ગુજરાતનાં શહેરોના નામ ખાસ તો અમદાવાદનું નામ પણ બદલીને કર્ણાવતી કરવું જોઈએ. 

BIG Breaking News:- आज और अभी से #अहमदाबाद का नाम #कर्णावती कर दिया गया है। बधाई रुकनी नही चाहिए साथियों 🚩🚩🙏 https://t.co/uUrtGRxLGo#ModiJiWeWantKarnavati

— @नवीन राजपूत 🅱🅹🅿 #प्रशासक_समिति (@NaveenHindu16) October 17, 2021

પરંતુ હાલના તબક્કે તો આ સમાચાર ખોટા છે. આવું કંઇ કરવામાં નથી આવ્યું. 

અમદાવાદનું નામ બદળવાને લઈને ગાંધીનગરમાં નીતિન પટેલે કહેલું કે અમદાવાદનું જૂનું નામ કર્ણાવતી જ હતું પરંતુ તે બદલી દેવામાં આવ્યું હતું. તત્કાલીન મુખ્યમંત્રી વિજય રૂપાણીએ પણ કહ્યું હતું કે કાયદાકીય રસ્તે શહેરનું નામ બદલવાનો નિર્ણય લેવામાં આવશે . પરંતુ બાદમાં હાઇકોર્ટની દખલગીરીનાં કારણે આવું કંઇ થઈ શક્યું નથી. સરકારના આવ્યા નિવેદનો બાદ ઘણા લોકોએ વાંધો પણ ઉઠાવ્યો હતો. 

હાઇકોર્ટની દખલગીરી 
2019 માં આ મામલો હાઇકોર્ટમાં પહોંચ્યો ત્યારે હાઇકોર્ટે સરકારને આવું કરતાં રોકી હતી. અને મામલો આખરે થાળે પડી ગયો હતો. બાદમાં જો કે સરકારે પણ મુદ્દાને છોડી દિધો હતો. હાઇકોર્ટમાં હેત્વી સંચેતી નામના એડવોકેટ દ્વારા લોકહિતમાં અરજી કરવામાં આવી હતી. 

જો કે ફરી આ પ્રકારની માહિતી સોશ્યલ મીડિયામાં ફરી રહી છે પરંતુ તેમાં કોઈ તથ્ય નથી. VTV નાં ફેક્ટ ચેક માં માહિતી મળી છે કે આ માત્ર એક અફવા છે જે સોશ્યલ મીડિયામાં અલગ અલગ આકાઉન્ટ્સમાંથી ફેલાવવામાં આવી રહી છે. અમદાવાદનાં એક સાંસદે પણ માહિતીની સત્યતાની પુષ્ટિ કરી હતી. 

અમદાવાદ જિલ્લાની અધિકૃત વેબસાઇટ પર પણ નામ અમદાવાદ જ છે. 

https://ahmedabad.nic.in/