હિન્ડનબર્ગ રિસર્ચ દ્વારા અદાણી જૂથ સામે ગંભીર આરોપો કરવામાં આવ્યા બાદ અદાણી ગ્રૂપના શેરમાં મોટાપાયે ઘટાડો નોંધાયો છે તેવામાં ફિચ રેટિંગે અદાણી ગ્રુપને રાહત આપી છે.
અદાણી ગ્રૂપના શેરોમાં સતત પીછેહઠ
ફિચ રેટિંગે અદાણી સમૂહને આપી મોટી રાહત
રેટિંગમાં ફેરફાર નહીં થાય, કેશ ફ્લોની ચિંતા ન હોવાનો ફિચનો સુર
હિન્ડનબર્ગ રિપોર્ટે મોટા ગજાના બિઝનેશમેન એવા ગૌતમ અદાણીની કંપનીઓને હચમચાવી નાખી છે અને અદાણીના શેરો સતત ઘટી રહ્યા છે ત્યારે ફિચ રેટિંગે એક મહત્વની વાત કરી છે. ફિચે જણાવ્યું કે અદાણીની કંપનીઓના રેટિંગમાં તાત્કાલિક અસર નહીં થાય. કંપનીના કેશ ફ્લોમાં કોઈ ફરક પડે તેમ લાગતું નથી. આ ઉપરાંત નજીકના ગાળાના પાકતા બોન્ડને પણ કોઈ અસર થાય તેમ લાગતું ન હોવાનું જણાવ્યું હતું.
રેટિંગ એજન્સી ફિચ પાસેથી અદાણી સમૂહ ગ્રુપ માટે રાહતરૂપ સમાચાર
હિન્ડનબર્ગ રિસર્ચ દ્વારા અદાણી જૂથ સામે ગંભીર આરોપો કરવામાં આવ્યા છે જેમાં શેરબજરમાં રોકાણ અને એકાઉન્ટમાં સબધી ગેરરીતિના આરોપીને લઈને અદાણીના શેરોમાં જોરદાર ઘટાડો જોવા મળી રહ્યો છે આવી સ્થિતિ વચ્ચે રેટિંગ એજન્સી ફિચ પાસેથી અદાણી સમૂહ ગ્રુપ માટે રાહતરૂપ સમાચાર સામે આવી રહ્યા છે. ફિચે કહ્યું કે માર્કેટમાં ખરાબ સ્થિતિ વચ્ચે પણ અદાણીની કંપનીઓના રેટિંગમાં હાલ સીધી કોઈ અસર જોવા મળશે નહીં. વધુમા કહ્યું કે કંપનીના કેશ ફ્લોમાં કોઈ ફરક ન પડે તેવી પણ શકયતાઓ વર્ણાવી છે. નજીકના બોન્ડમાં કોઈ અસર જોવા નહીં મળે.જે.આ જૂન 2024માં અદાણી પોર્ટ્સના બોન્ડ અને ડિસેમ્બર 2024માં અદાણી ગ્રીન એનર્જીના બોન્ડ પણ સામેલ છે.
હવે રેટિંગ એજન્સી દ્વારા અદાણીના શેરમાં થઈ રહેલા મોટા ફેરફાર સહિતની હિલચાલ પર નજર રાખવામાં આવશે. આ રિપોર્ટ પરથી અદાણી માટે લાંબા ગાળા માટે ફાઈનાન્સિંગનો ખર્ચ સહિતની સ્થિતી જાણી શકાશે.
અદાણી ગ્રૂપની કંપનીઓ માટે ફિચનું રેટિંગ
અદાણી ટ્રાન્સમિશન માટે ત્રિપલ બી, અદાણી ઈલેક્ટ્રિસિટી મુંબઈ માટે ત્રિપલ બી, અદાણી ઈન્ટરનેશનલ કન્ટેનર ટર્મિનલ પ્રાઈવેટ લિમિટેડ માટે ત્રિપલ બી, અદાણી ટ્રાન્સમિશન રિસ્ટ્રિક્ટેડ ગ્રૂપ ત્રિપલ બી, અદાણી ગ્રીન એનર્જી રિસ્ટ્રિક્ટેડ ગ્રૂપ 2 માટે ત્રિપલ બી અને મુંબઈ ઈન્ટરનેશનલ એરપોર્ટ માટે ડબલ બી પ્લસ રેટિંગ આપ્યું છે.