મુસાફરોને રાહત / તમે અમદાવાદી છો અને તમે શહેરમાં પરત આવવા માંગો છો તો તમારા માટે રાહતના સમાચાર

• અમદાવાદીઓને શહેરમાં પરત આવવામાં મળી રાહત
• અમદાવાદમાં પરત આવવા RT-PCR રિપોર્ટની જરૂર નહીં
• પુરાવા તરીકે માત્ર આધારકાર્ડ બતાવવાનું રહેશે

અમદાવાદમાં રહેતા લોકો માટે મહત્વના અને રાહત આપનારા સમાચાર છે. અમદાવાદમાં વસતા હશે તે લોકોને બહારના રાજ્યોથી પરત ફરતી વખતે RT-PCR ટેસ્ટ બતાવવો ફરજિયાત નહીં રહે. અમદાવાદના વસવાટનું ઓળખપત્ર હશે તો તે માન્ય રહેશે. અમદાવાદના લોકોને રાહત આપતો આ નિર્ણય AMCએ કર્યો છે. અને જેનો 6 એપ્રિલથી અમલ શરૂ થઇ જશે. તમને જણાવી દઇએ કે ગુજરાતમાં કોરોનાના કેસ વધતા બહારના રાજ્યોથી આવવા પર RT-PCR ટેસ્ટ ફરજિયાત કરાયો છે.

Decided in consultation with Guj Govt that @AmdavadAMC citizens shall be exempt from requirement of RTPCR(-ve)certificate while returning by air,road&train.Aadhar card as residence proof to be shown.Rule will continue for outsiders coming to city.Detailed Press note being issued.

— Dr Rajiv Kumar Gupta (@drrajivguptaias) April 5, 2021

મહત્વનું છે કે, ગુજરાતમાં કોરોના વાયરસનો કહેર દિવસેને દિવસે વધી રહ્યો છે. એવામાં ગુજરાત સરકારે કોરોના પર કાબૂ મેળવવા વધુ એક મોટો નિર્ણય લીધો છે. સરકારે બહારના રાજ્યોમાંથી આવતા તમામ મુસાફરોનો RT-PCR ટેસ્ટનો નેગેટિવ રિપોર્ટ ફરજિયાત કરી દીધો છે. એક એપ્રિલથી આ નિયમ અમલી બન્યો છે. એક એપ્રિલ બાદ અન્ય રાજ્યના મુસાફર રિપોર્ટ વગર ગુજરાતમાં પ્રવેશ કરી શકશે નહીં.

ગુજરાતમાં એન્ટ્રી અગાઉના 72 કલાક પહેલાનો રિપોર્ટ માન્ય

મહત્વનું છે કે, હોળીના સમયમાં લોકો પોતાના ઘરેથી પરત ગુજરાત આવવાની તૈયારી શરૂ થશે. 1 એપ્રિલથી જે લોકો ગુજરાતમાં આવશે. જે લોકો પાસે ટેસ્ટ રિપોર્ટ હશે તેમને જ એન્ટ્રી મળશે. ગુજરાતમાં એન્ટ્રી પહેલાના 72 કલાક સુધીનો RT-PCR નેગેટિવ રિપોર્ટ મંજૂર કરવામાં આવશે. જેમાં ખાસ રેલવે, હવાઈ કે, રોડ માર્ગથી જે લોકો ગુજરાત આવશે. તેમને આ ટેસ્ટ ફરજિયાત કરાવવો પડશે. 

મુખ્યમંત્રી વિજય રૂપાણી અને નાયબ મુખ્યમંત્રી નિતિનભાઇ પટેલની અધ્યક્ષતામાં કોર કમિટીની બેઠક મળી હતી. જેમાં રાજ્યમાં વધતા કોરોના સંક્રમણ નિયંત્રણ સંદર્ભે 7  મહત્વપૂર્ણ નિર્ણયો લેવામાં આવ્યા છે. રાજ્યમાં કોરોના સંક્રમણની પ્રવર્તમાન સ્થિતિમાં સંક્રમિતોની સારવાર માટે ઓકસિજન સપ્લાય પૂરતા પ્રમાણમાં મળી રહે તેના માટે નિર્ણય કરાયા છે. અને મુખ્યમંત્રી દ્વારા તાકીદે કામગીરી કરવા આદેશ પણ કરાયા છે. 

મુખ્યમંત્રીની અધ્યક્ષતામાં કોર કમિટીના 7 મહત્વના નિર્ણય

• ઓક્સિજનના ઉત્પાદકોએ 60 ટકા સપ્લાય આરોગ્ય ક્ષેત્ર માટે આપવાનો રહેશે
• 8 મહાનગરોમાં 500-500 બેડના કોવિડ સેન્ટર શરૂ કરાશે 
• કોવિડ સેન્ટરનું સુપરવિઝન 8 IAS-IFS અધિકારીઓને સોંપાયું
• પ્રાઇવેટ નર્સિંગ હોમ ક્લિનિક્સ ICU કે વેન્ટિલેટર સુવિધા સિવાય ડેડીકેટેડ કોવિડ કેર સેન્ટર શરૂ કરી શકશે 
• કોવિડ હેલ્થ સેન્ટર માટે દૈનિક મહત્તમ 2 હજાર રૂપિયા ચાર્જ લઇ શકાશે, કોવિડ કેર સેન્ટર માટે દૈનિક મહત્તમ 1500 ચાર્જ લઇ શકાશે, આ ચાર્જમાં રેમડીસીવીર ઇન્જેકશનની કિંમતોનો સમાવેશ નહીં 
• સિવિલ હોસ્પિટલ સોલા, SVP, નગરી અને LG હોસ્પિટલમાં ઇન્જેકશન નહીં નફો નહીં નુકસાનના ધોરણે મળશે 
• આગામી દિવસોમાં રાજ્યની બધી જ APMC અને અમૂલ પાર્લર પરથી ટ્રિપલ લેયર માસ્ક રૂપિયા 1ની કિંમતે નાગરિકોને મળશે