સુવિદ્યા / અમદાવાદ એરપોર્ટના પેસેન્જર્સ માટે રાહતના સમાચારઃ 75 દિવસ બાદ રન-વેની કામગીરી પૂર્ણ, કાલથી રાબેતા મુજબ શરૂ થશે ફ્લાઇટ

• અમદાવાદ એરપોર્ટ રાબેતા મુજબ થશે શરૂ
• એરપોર્ટના રન વે કામગીરી પૂર્ણ
• 75 દિવસથી ચાલતી હતી કામગીરી

એરપોર્ટ પર જતા પેસેન્જરો માટે રાહતના સમાચાર 

આવતીકાલથી અમદાવાદ એરપોર્ટ પર ફ્લાઈટ્સની રાબેતા મુજબ અવર-જવર શરૂ થઈ જશે. અમદાવાદ એરપોર્ટ પર રન વેની કામગીરી પૂર્ણ કરી દેવામાં આવી છે. છેલ્લા 75 દિવસથી રન વેની કામગીરી ચાલતી હોવાથી સવારે 9 થી સાંજે 7 વાગ્યા સુધી  ફ્લાઈટની સેવા બંધ રહેતી હતી. પરંતુ એરપોર્ટ દ્વારા માત્ર 75 દિવસમાં રન વેની કામગીરી પૂર્ણ કરી દેવામાં આવી હોવાથી હવે આવતીકાલથી અમદાવાદ એરપોર્ટ પર ફ્લાઈટ રાબેતા મુજબ શરૂ થઈ જશે.

માત્ર 75 દિવસમાં કામગીરી રન વે ની ઝડપી કરાઈ પૂર્ણ 

અમદાવાદનું આંતર રાષ્ટ્રીય એરપોર્ટમાં કોવિડના સમય પૂર્વે દરરોજની 200 ફ્લાઇટની અવરજવરથી ધમધમતું ગુજરાતનું સૌથી વ્યસ્ત મથક છે. ત્યારે એરપોર્ટ ઓથોરેટીએ નિયત ફ્લાઇટ્સના સમયપત્રકને અસર કર્યા વિના રનવેના રીકાર્પેટીંગની કામગીરી માત્ર 75 દિવસમાં પૂર્ણ કરીને રનવને  ખુલ્લો કરી દેવાયો છે. ઉલ્લેખનીય છે કે, આ રનવે માટે 200 કિ.મી.ના રોડની લગોલગ જથ્થામાં ડામર પાથરવામાં આવ્યો છે જ્યારે 40 માળની ઇમારતમાં વપરાય તેટલી કોંક્રીટનો ડ્રેનેજ સિસ્ટમ માટે ઉપયોગ કરવામાં આવ્યો છે. 

કેવો હશે એરપોર્ટનો નવો રન વે ?

• રન-વે પર 9 કિમી ડ્રેનેજ લાઈન બનાવવામાં આવી 
• રન-વે સાડા ત્રણ કિમી લાંબો અને 45 મીટર પહોળો  બનાવ્યો છે
• રન-વેની સાથે ટેક્સી વે પણ તૈયાર કરવામાં આવ્યો છે. 
• આધુનિક સિસ્ટમથી સજ્જ ટેકનોલોજીનો કર્યો છે  ઉપયોગ
• 600 કર્મચારી અને 200 વ્હીકલની મદદથી રનવેના પુનઃ નિર્માણની કામગીરી
• પેવમેન્ટ અને ડેન્સ બિટયુમિનસ મેકાડમનું છ સ્તરીય કામ પૂર્ણ
• આ કાર્યથી એરક્રાફ્ટ ઓપરેશન્સની સુરક્ષામાં સુધારો થશે
• ખાસ પ્રકારના ઢોળાવથી રન-વે પર પાણી ભરાવાની સમસ્યા નહીં સર્જાય
• વરસાદનું પાણી સીધું ગટર મારફતે સાબરમતી નદીમાં વહી જશે
• રન-વે બનાવવા માટે 2 લાખ મેટ્રિક ટન ડામ વપરાયો
• 3 લાખ ક્યૂબીક મીટર માટીકામ થયું