Significant weather features dated 10.04.2022
♦ Maximum Temperature forecast and Heat Wave warning:
• A fresh Western Disturbance likely to affect Western Himalayan Region from the night of 12th April, 2022.
— India Meteorological Department (@Indiametdept) April 10, 2022
એક પછી એક બે વેસ્ટર્ન ડિસ્ટર્બન્સના કારણે ગરમીમાંથી આંશિક રાહત.
આજે દેશના મોટા ભાગોમાં લોકો તીવ્ર ગરમી અને ગરમીના મોજાનો સામનો કરી રહ્યા છે. જો કે, હવામાન નિષ્ણાંતોના અનુસાર આગામી દિવસોમાં કાળઝાળ ઉનાળાની મોસમ રાહત મળવાની આશાઓ છે. અને આ રહાત લાવશે એક પછી એક બે વેસ્ટર્ન ડિસ્ટર્બન્સ છે. 12મી એપ્રિલથી ક્રમશઃ આ વેસ્ટર્ન ડિસ્ટર્બન્સ પશ્ચિમ હિમાચલ નજીક આવી રહ્યા છે, જેને લઈને 13 એપ્રિલથી ઉત્તર ભારતના કેટલાક ભાગોમાં વરસાદ, ધૂળની ડમરીઓ જોવા મળશે.
બીજું વેસ્ટર્ન ડિસ્ટર્બન્સ 15 એપ્રિલની આસપાસ આવશે.
સ્કાયમેટના હવામાન નિષ્ણાંતોએ જણાવ્યું કે, હાલમાં હરિયાણા, દિલ્હી, પશ્ચિમ ઉત્તર પ્રદેશ અને પંજાબના કેટલાક ભાગો અને અન્ય રાજ્યોમાં તીવ્ર સૂર્યપ્રકાશનો સમયગાળો છે, જે 12 એપ્રિલ સુધી ચાલુ રહી શકે છે. ઉત્તરીય મેદાનોને અસર કરતી ગરમીની લહેરનો આ સૌથી લાંબો સમય હોઈ શકે છે. તેમણે પોતાની આગાહીમાં જણાવ્યું હતું કે 12 એપ્રિલની રાત્રે પશ્ચિમી હિમાલય સુધી પહોંચવાની ધારણા છે. જ્યારે બીજું વેસ્ટર્ન ડિસ્ટર્બન્સ 15 એપ્રિલની આસપાસ આવશે.
13 એપ્રિલથી ઉત્તર ભારતના કેટલાક ભાગોમાં વરસાદની વકી
આ વેસ્ટર્ન ડિસ્ટર્બન્સની અસર પશ્ચિમ હિમાલયમાં 13 એપ્રિલથી શરૂ થશે, જેના કારણે હવામાનમાં વરસાદ અને ગાજવીજ સાથે મુખ્ય ગતિવિધિઓ શરૂ થશે. તેમના મતે, 13 થી 17 એપ્રિલની વચ્ચે પંજાબ, હરિયાણા, દિલ્હી અને પશ્ચિમ ઉત્તર પ્રદેશના ભાગોમાં વાવાઝોડા, ધૂળના તોફાન અને હળવા વરસાદ સાથે છૂટાછવાયા પ્રી-મોન્સૂન પ્રવૃત્તિઓ થવાની સંભાવના છે. હવામાનશાસ્ત્રીઓ આગાહી કરે છે કે આ સમયગાળા દરમિયાન ઉપરોક્ત વિસ્તારોમાંથી ગરમીનું મોજું ઘટી શકે છે.