BIG NEWS / હાર્દિક પટેલનો મોટો ઘટસ્ફોટ : કોંગ્રેસમાં મને હેરાન કરાય છે, રાહુલ ગાંધીને ઘણી વખત કહ્યું પરંતુ કોઈ પગલા નથી લેવાયા

• હાર્દિક પટેલને લઈને PTIના હવાલાથી સમાચાર
• મને ખરાબ લાગી રહ્યુ છેઃ હાર્દિક

મેં રાહુલ ગાંધીને ઘણી વખત પરિસ્થિતિ જણાવી છેઃ હાર્દિક
ગુજરાત કોંગ્રેસના કાર્યકારી પ્રમુખ હાર્દિક પટેલે પીટીઆઈને આપેલ નિવેદન પ્રમાણે કહે છે કે મને એટલો હેરાન કરવામાં આવે છે કે મને તેના વિશે ખરાબ લાગે છે. ગુજરાત કોંગ્રેસના નેતાઓ ઈચ્છે છે કે હું પાર્ટી છોડી દઉં, મને વધુ દુઃખ થયું છે કારણ કે મેં રાહુલ ગાંધીને ઘણી વખત પરિસ્થિતિ જણાવી છે, પરંતુ કોઈ પગલાં લેવામાં આવ્યા નથી

I am being harassed so much that I feel bad about it. Gujarat Congress leaders want me to leave the party... I am more pained because I have conveyed the situation to Rahul Gandhi many times, but no action has been taken: Gujarat Cong working president Hardik Patel to PTI

— Press Trust of India (@PTI_News) April 14, 2022

ગત રોજ નરેશ પટેલ મુદ્દે હાર્દિક પટેલનું સૂચક નિવેદન આપ્યું હતું. 
ઉલ્લેખનીય છે કે, ગઇકાલે હાર્દિક પટેલે નરેશ પટેલ મામલે કોંગ્રેસ હાઇકમાન્ડને આડે હાથ લીધા હતા.તથા તેમનો અને પાસના નેતાઓનો કોંગ્રેસે પુરતો ઉપયોગ ન કર્યો હોવાનું જણાવી કોંગ્રેસ હાઇકમાન્ડને વિચારતા મુકી દીધા હતા. હાર્દિક પટેલે જણાવ્યું હતું કે, નરેશ પટેલ મુદ્દે કોંગ્રેસ હાઇકમાન્ડ ત્વરિત નિર્ણય લે, નરેશ પટેલને લેવામાં કેમ આટલો વિલંબ થઈ રહ્યો છે તે એક મોટો સવાલ છે. હાર્દિક પટેલે જણાવ્યું હતું કે, નિર્ણય લેવામાં આટલો વિલંબ થતાં નરેશ પટેલની છબીને નુક્સાન થાય છે. તો સામે પક્ષે ગુજરાત કોંગ્રેસના પ્રભારી રઘુ શર્માએ પણ હાર્દિકને પાર્ટીના અનુશાસનમાં રહેવા અને પાર્ટી કરતા કોઇ મોટુ નથી તેમ જણાવ્યુ હતુ. 

હાર્દિકના નિવેદનથી પ્રદેશ નેતૃત્વ નારાજ
હાર્દિક પટેલ પાર્ટીના એક પદ પર બેઠા છે, હાર્દિક પટેલને જો નારાજગી હોય તો પાર્ટી ફોરમમાં આવીને વાત કરે. જાહેરમાં સીધી નારાજગી વ્યક્ત કરવી યોગ્ય ન હોવાનો મત રઘુ શર્માએ વ્યક્ત કર્યો હતો. વધુમાં તેમણે હાર્દિકને નસીહત આપી હતી. પાર્ટી ડિસિપ્લિનથી ચાલે છે, હાર્દિક પટેલને અનુશાસનમાં રહેવું જોઇએ, જો નારાજગી હોય તો અમારી પાસે આવે સમાધાન આપીશું

નિવેદનનો મતલબ શું?

• હાર્દિક પટેલ કોંગ્રેસનો હાથ છોડી અન્ય પાર્ટીમાં જશે?
• શું હાર્દિક પટેલ ગુજરાત પ્રદેશના સંગઠનથી નારાજ છે?
• કેમ અચાનક જ હાર્દિકને કોંગ્રેસ પ્રત્યે અણગમો જાગ્યો?
• શું નરેશ પટેલ અને હાર્દિક પટેલ વચ્ચે અંદરખાને કઈંક રંધાઈ રહ્યું છે?
• હાર્દિક પટેલને ખરેખર કોંગ્રેસથી મોહભંગ થયો છે કે પછી કોંગ્રેસ ડૂબતી દેખાય છે એટલે આવા નિવેદનો આપે છે?
• કોંગ્રેસમાં સાઈડલાઇન થવાની બીક લગતા પહેલા પાળ બાંધી લીધી?
• હાઈલેવલ પણ રજૂઆત સાંભળતું તેનો સીધો મતલબ એ પણ થાય છે કે હજુ પણ હાર્દિકનો પનો ટુંકો છે