રાજકારણ / નરેશ પટેલને કોંગ્રેસમાં લાવવા માટેના પ્રયાસો થયા તેજ, માર્ચના અંત પહેલા ચિત્ર થશે સ્પષ્ટ!

• નરેશ પટેલનો રાજકારણમાં પ્રવેશ?
• માર્ચના અંત સુધી ચિત્ર થશે સ્પષ્ટ
• કોંગ્રેસમાં આવે એવા પ્રયાસો તેજ

વિધાનસભાની ચૂંટણી અગાઉ સૌરાષ્ટ્રના પોલિટિક્સમાં ગરમાવો દેખાયો.

એક તરફ નરેશ પટેલ રાજકારણમાં જોડાશે કે કેમ તેમાં બંધ બાજીએ રમી રહ્યા છે તો બીજી તરફ જો જોડાશે તો કઈ પાર્ટીમાં જોડાશે તે અત્યાર સુધી સસ્પેન્સ બની રહ્યું છે. ત્યારે નરેશ પટેલના રાજકારણને જોડાવવાની વાતને લઈને મહત્વના સમાચાર સામે આવી રહ્યાં છે. સૂત્રોના જણાવ્યા અનુસાર રાજકારણ પ્રવેશ કે ખોડલધામ યથાવતનું કાઉન્ટડાઉન શરૂ થઈ ગયું છે. માર્ચ એન્ડિંગ સુધીમાં આ અંગે ચિત્ર સ્પષ્ટ થવાની શક્યતા છે. મહત્વનું છે કે, તાજેતરમાં નરેશ પટેલની દિલ્લી મુલાકાતને સૂચક ગણાઇ રહી છે. નરેશ પટેલના પરિવારજનો પણ રાજકીય પ્રવેશને ઇચ્છી રહ્યાં છે. નરેશ પટેલ કોંગ્રેસમાં આવે તેવા પ્રયાસો તેજ કરી દેવામાં આવ્યા. 

નરેશ પટેલ કોંગ્રેસમાં આવે તેવા પ્રયાસો તેજ કરી દેવામાં આવ્યા

બીજી તરફ પ્રાપ્ત વિગતો અનુસાર નરેશ પટેલ અને પ્રશાંત કિશોરની બેઠક થઈ ગઈ છે. નરેશ પટેલે કોંગ્રેસમાં જોડાવાની એક શરત મૂકી છે કે પ્રશાંત કિશોરને કેમ્પેઇનિંગ સોંપવામાં આવે. ગુજરાત બહાર બંને વચ્ચે સમગ્ર રણનીતિ મામલે બેઠક પણ થઈ ગઈ છે. તો બીજી તરફ ગુજરાત કોંગ્રેસના નેતાઓની દિલ્લીમાં રાહુલ ગાંધીને મળી ચૂક્યા છે. જેમાં પ્રશાંત કિશોરને ગુજરાતના ચૂંટણી પ્રચારના કેમ્પેઇનિંગની જવાબદારી સોંપવામાં આવે તેવી બાબતે પણ ચર્ચા થઈ છે. નરેશ પટેલ અને પ્રશાંત કિશોરની એક સાથે ગુજરાત કોંગ્રેસમાં એન્ટ્રી થશે તેવી માહિતી સૂત્રો દ્વારા મળી રહી છે.

નરેશ પટેલ અને પ્રશાંત કિશોરની થઇ ચૂકી છે બેઠક

પ્રશાંત કિશોરની એન્ટ્રી થાય તો નરેશ પટેલની કોંગ્રેસમાં એન્ટ્રી નક્કી હોવાનું મનાઇ રહ્યું છે. સૂત્રો પાસેથી મળતી માહિતી અનુસાર ગુજરાત બહાર નરેશ પટેલ અને પ્રશાંત કિશોરની બેઠક થઇ ગઈ છે. નરેશ પટેલની કોંગ્રેસમાં જોડાવાની એક શરત છે. પ્રશાંત કિશોરને કેમ્પેઇનિંગ સોંપવામાં આવે તેવી શરત મૂકી છે. જેને લઇને હવે પ્રશાંત કિશોરની એન્ટ્રી લગભગ નક્કી હોવાનું મનાઇ રહ્યું છે. ગુજરાત કોંગ્રેસના નેતાઓની દિલ્હીમાં રાહુલ ગાંધી સાથે બેઠક થઇ હતી. જે બેઠકમાં પ્રશાંત કિશોર મુદ્દે વાત થઇ છે. નરેશ પટેલ અને પ્રશાંત કિશોરની એક સાથે કોંગ્રેસમાં એન્ટ્રી નક્કી છે.

નરેશ પટેલ હજુ સુધી કોઈ પાર્ટીમાં જોડાયા નથી   

ઉલ્લેખનીય છે કે, નરેશ પટેલ તરફથી હજુ સુધી કઈ પાર્ટીમાં જોડાવાના છે તેની કોઈ સ્પષ્ટ જાહેરાત નથી થઈ. નરેશ પટેલે કહ્યું હતું કે રાજકારણમાં જોડાવાનો હજુ સુધી કોઈ નિર્ણય નથી લીધો. પણ હા સમાજને પૂછીને કોઈ નિર્ણય લેવામાં આવશે. હાલતો ગુજરાતની રાજનીતિમાં નરેશ પટેલ 'કોની સાથે'ની ચર્ચા થઇ રહી છે. જોકે ભાજપ, કોંગ્રેસ અને આમ આદમી પાર્ટીના નેતાઓ એવું કહી રહ્યા છે કે તેમનો અંગત નિર્ણય છે. જોકે તમામ પક્ષો તેમને પોતાના પક્ષમાં લેવાના અથાક પ્રયત્નો કરી રહ્યા છે.