ઉત્તર પ્રદેશ / લગ્નની જાનની વચ્ચે વરરાજા સાથે એવું બન્યું કે બીજા દિવસે ઝાડ પર લટકતી લાશ મળી

• લગ્નગ્રંથીથી જોડાઈ વર વધૂને લઈ ઘરે પરત ફરી રહ્યો હતો
• વર- વધૂ ચા- નાસ્તો કરવા રોકાયા
• શૌચક્રિયા માટે ગયેલા વરની લાશ મળી

ઉત્તર પ્રદેશના જનપદ મુરાદાબાદ જિલ્લાના પાકબડા પોલીસ સ્ટેશનના વિસ્તારમાં એક હચમચાવી દેનારી ઘટના બની હતી. સોમવારે જનપદ અમરોહાના કુઆંઢાલી ગામમાં રહેનારા દુષ્યંત ગિરિ(22)ના લગ્ન બરેલી જિલ્લાના ગ્રામ કુતકાપુરની આશાની સાથે થયા હતા. 

દુષ્યંત પત્ની આશા, વીડિયોગ્રાફર સાથે કારમાં ઘરે આવી રહ્યો હતો. આ દરમિયાન સોમવારે રાતે  તેઓ નાસ્તા અને ચા માટે એક ઢાબા પર રોકાયા હતા. વધૂ, 2 વીડિયોગ્રાફર અને કારનો ડ્રાઈવર ચા- નાસ્તો કરી રહ્યાં હતા. આ દરમિયાન દુષ્યંત શૌચક્રિયા માટે ગયો હતો. મોડી રાત સુધી તે પાછો ન આવતા બધાએ તેમને શોધ્યો પણ તે મળ્ય નહોતો.

બીજી દિવસે સવારે રોડથી 2 કીમી દુર એક ઝાડ પર ટાઈ વડે ફાંસો ખાધેલી હાલતમાં દુષ્યંતની લાશ મળી હતી. ત્યાંનાં સ્થાનીકોઓ પોલીસને જાણ કરતા આ સમગ્ર મામલો સામે આવ્યો હતો. જેને પગલો પોલીસે આ હત્યા છે કે આત્મહત્યા એ અંગે તપાસ હાથ ધરી હતી. જોકે હજું સુધી દુષ્યંતના મોતનું કારણ જાણી શકાયું નથી.