અનોખા લગ્ન / કિન્નર સાથે પ્રેમ થઈ જતાં ચુપકેથી કર્યા લગ્ન, વહુને જોતા જ માતાના થયા એવા હાલ કે ચોંકી જશો

• યુવકે કિન્નર સાથે લગ્ન કરી લીધા
• કિન્નર સાથે પ્રેમ થઈ જતાં ચુપકેથી કર્યા લગ્ન
• હોશ આવ્યો તો તેમણે આ પતિ પત્નીને બહાર ધકેલી દીધા

યુવકે કિન્નર સાથે લગ્ન કરી લીધા
બિહારના સાસારામમાં એક અનોખા લગ્ન થયા હતા, તેની ચર્ચા સમગ્ર દેશમાં થઈ રહી છે. અહિયાં એક યુવકે કિન્નર સાથે લગ્ન કરી લીધા હતા. લગ્ન પછી જ્યારે આ યુવક પોતાની દુલ્હનને લઈને ઘરે પહોંચ્યો તો યુવકની માતા આ જોઈને બેહોશ થઈ ગઈ હતી. જ્યારે તે હોશમાં આવ્યા તો માતાએ આ લગ્નને સ્વીકારવાની ના પાડી દીધી હતી. તેમણે પોતાના સમાજની હાજરીમાં જ આ કપલને ઘરમાંથી બહાર કાઢી મૂક્યા.
 
કિન્નર સાથે પ્રેમ થઈ જતાં ચુપકેથી કર્યા લગ્ન
આ અનોખા લગ્ન સાસારામ જિલ્લાના કરગહરનો છે. જ્યાં કિન્નર સાથે લગ્ન કરનાર યુવકના ઘરમાં બબાલ થઈ ગઈ હતી. ત્યાંના સ્થાનિક લોકોનું કહેવું છે કે આ યુવકનું નામ ગોલુ છે અને તે લગ્નમાં જઈ નાચવાનું કામ કરતો હતો. આવ જ એક પ્રસંગ દરમ્યાન આ યુવકને પાનાપૂરમાં રહેતી કિન્નર નંદની સાથે પ્રેમ થઈ ગયો. ત્યારબાદ બંનેએ એકસાથે જીવવાનું નક્કી કર્યું અને તે બંનેએ લગ્ન કરી લીધા. લગ્ન કર્યા બાદ ગોલુ પોતાની પત્ની સાથે એ જ ગામમાં એક મકાન ભાડે રાખી રહેતો હતો. તેના પરિવારના લોકોને જ્યારે આ ઘટનાની જાણ થઈ ત્યારે કિન્નર સાથે અલગ કરવા માટેના ઘણા પ્રયાસો કર્યા. તેમ છતાં વાત ના માનતા પોતાના ઘરે લઈ આવ્યા. 

હોશ આવ્યો તો તેમણે આ પતિ પત્નીને બહાર ધકેલી દીધા
આ ઘટના બાદ નંદની પોતાના પતિને શોધતા શોધતા ગોલુના ઘરે આવી પહોંચી. ત્યાં આ સમગ્ર ઘટના બની, કિન્નર નંદનીને જોઈને ગોલુની માતા બેહોશ થઈ ગઈ. પોતાની સાસુને આવી અવસ્થામાં જોઈ નંદની પાણીથી તેમને હોશમાં લાવવાના પ્રયત્નો કરવા લાગી. આ દ્રશ્ય જોઈને બીજા બધા જ લોકો પોતાના ઘરે જતાં રહ્યા અને જયારે ગોલુની માતાને હોશ આવ્યો તો તેમણે આ પતિ પત્નીને બહાર ધકેલી દીધા.