સમગ્ર દેશમાં કોરોના વાયરસને લઇને લોકડાઉનની જાહેરાત કરવામાં આવી છે. ઉત્તર પ્રદેશમાં લોકડાઉન દરમિયાન લોકોની મદદ માટે સતત અભિયાન ચલાવવામાં આવી રહ્યું છે, પરેશાની અને મદદના કેટલાક સમાચારો સામે આવી રહ્યા છે ત્યારે આ વચ્ચે દેવરિયામાં નવજાત બાળકનું નામ 'લોકડાઉન' રાખવામાં આવ્યું છે.
સમગ્ર દેશમાં કોરોનાને પગલે લોકડાઉન
ઉત્તર પ્રદેશમાં જન્મેલા બાળકનું નામ રખાયું લોકડાઉન
માતાપિતાએ પરસ્પર સંમતિથી કર્યું નામકરણ
પરિવારજનોનું માનવું છે કે, કોરોના વાયરસને કારણે પ્રધાનમંત્રી મોદીએ દેશભરમાં લોકડાઉનનો જે નિર્ણય લીધો છે તે દેશના હિતમાં છે. માટે આ બાળકનું નામ લોકડાઉન રાખવામાં આવ્યું.
માતાપિતાએ પરસ્પર સંમતિથી આ નામકરણ કર્યું
નવજાતનાં માતાપિતાએ પરસ્પર સંમતિથી આ નામકરણ કર્યું છે. તેઓ કહે છે કે દેશમાં લોકડાઉન થવાને કારણે તેઓએ તેમના બાળકનું આ નામ રાખવાનું નક્કી કર્યું છે. તેઓએ કોરોના વાયરસ સામે રક્ષણનો સંદેશ આપવા માટે આ નામ રાખવાનું નક્કી કર્યું. આ પરિવાર ખુકુન્દુ કસ્બાનો રહેવાસી છે. તેમનું કહેવું છે કે વડા પ્રધાન નરેન્દ્ર મોદીએ કોરોના વાયરસ જેવા રોગો સામે રક્ષણ માટે લીધેલ નિર્ણય દેશના હિતમાં છે.
પિતા પવને કહ્યું - પીએમ મોદીના મિશનને આગળ ધપાવવાનું છે
હકીકતમાં, બાળકનો જન્મ સોમવારે ખુકુન્દુ કસ્બાના એક પરિવારમાં થયો હતો. કોરોના સંકટને જોતાં, પરિવારે આ નવજાતનું નામ લોકડાઉન રાખ્યું છે. બાળકના પિતા પવન કહે છે કે તે દેશના વડા પ્રધાનના મિશનને આગળ ધપાવી રહ્યા છે.