ક્રિકેટના ગ્રાઉન્ડ પર કોઈ બેટ્સમેન અને વિકેટકીપર હેલ્મેટ પહેરે તો નવાઈ ન લાગેકારણ કે તેઓ તેની સુરક્ષા માટે પહેરે છેપણ જ્યારે કોઈ બોલર હેલ્મેટ પહેરીને બોલિંગ કરે તો ચોક્કસ આશ્ચર્ય થાય. ન્યૂ ઝીલેન્ડમાં વૉરેન બાર્ન્સ નામનો બોલર હેલ્મેટ પહેરીને બોલિંગ કરે છે. વૉરેન ન્યૂ ઝીલેન્ડની ઘરેલુ T-20 લીગમાં હેલ્મેટ પહેરીને બોલિંગ કરે છે.
ન્યૂઝીલેન્ડમાં રમાતી સુપર સ્મેશ T- 20 લીગમાં ઓટાગો ક્રિકેટ ટીમમાં મીડિયમ પેસર વૉરેન બાર્ન્સે નોર્થર્ન ડિસ્ટ્રિક્ટ સામે રમતી વખતે હેડ ગિયર (હેલ્મેટ) પહેરીને બોલિંગ કરી હતી. 25 વર્ષના વૉરેન બાર્ન્સની બોલિંગ એક્શન ખૂબ જ અલગ છે અને બોલ ફેંકતી વખતે તેનો ફોલો થ્રૂ નીચેની તરફ રહે છે.
વૉરેન હેલ્મેટ પહેરીને બૉલિંગ કરવાનું કારણ પણ બતાવ્યુ હતુ. તેણે કહ્યુ કેએક અજીબ એક્શનને કારણે તે આવું કરે છે. જો કોઈ બેટ્સમેન ઝડપી શોટ મારે તો તે તુરંત પ્રતિક્રિયા આપી શકતો નથી. બાર્ન્સે આ કારણે પોતાની સુરક્ષાને ધ્યાનમાં રાખી હેડગિયર પહેરીને બોલિંગ કરવાનો નિર્ણય લીધો છે.