રિક્ટર સ્કેલ પર આવેલા ભૂકંપની તીવ્રતા 7.3 માપવામાં આવી છે. ભૂકંપનું કેન્દ્ર પૃથ્વીના 10 કિલોમીટરની ઉંડાઈ પર હતું.
૭.૩ રિક્ટર સ્કેલની તીવ્રતા વાળા ભૂકંપનો આંચકો
ન્યુઝીલેન્ડની પાસેના વિસ્તારમાં ભૂકંપ હોવાથી સુનામીની ચેતવણી
અમેરિકી એજન્સી પ્રમાણે તીવ્રતા ૬.૯ની મપાઈ
ન્યુઝીલેન્ડમાં સુનામીની ચેતવણી જારી કરવામાં આવી છે, રિક્ટર સ્કેલ પર આ ભૂકંપની તીવ્રતા 7.3 માપવામાં આવી છે. શુક્રવારે પૂર્વી ન્યુઝીલેન્ડના નોર્થ આઇલેન્ડની પાસે ભૂકંપ આવ્યો હતો, ત્યારબાદ સુનામી પર નજર રાખવા વાળી સંસ્થા પેસિફિક સુનામી ચેતવણી કેન્દ્ર (પીટીડબલ્યુસી) એ આ અંગે એલર્ટ જાહેર કર્યું હતું.
૩૦૦ કિમી વિસ્તારમાં સુનામીની ચેતવણી
અમેરિકી ભૂવૈજ્ઞાનિક સર્વેક્ષણે અગાઉ ભૂકંપની તીવ્રતા 7.3 નોંધાવી હતી, જેને પછીથી ઘટીને 6.9ની બતાવવામાં આવી હતી. સંસ્થાએ કહ્યું કે ભૂકંપનું કેન્દ્ર પૃથ્વીના 10 કિલોમીટરની ઉંડાઈ પર હતું. પાછળથી પીટીડબ્લ્યુસીએ કહ્યું કે ભૂકંપથી 300 કિ.મી.ની ત્રિજ્યાના વિસ્તારમાં સુનામી આવે તેવી સંભાવના છે.
ન્યુઝિલેન્ડની નેશનલ ઇમરજન્સી મેનેજમેન્ટ એજન્સીએ કહ્યું કે તે હજી પણ મૂલ્યાંકન કરી રહ્યું છે કે આ ભૂકંપ સુનામીનું કારણ બની શકે છે કે કેમ, જો કે એજન્સીએ દરિયાકાંઠે રહેતા લોકોને સલાહ આપી હતી કે જો તેઓ તીવ્ર અથવા લાંબા સમય સુધી આંચકા અનુભવે છે, તો તેઓએ તાત્કાલિક ઉચ્ચ મેદાની વિસ્તારોમાં જતું રહેવું જોઈએ.
૬.૯ની તીવ્રતા મપાઈ : અમેરિકી એજન્સી
તે જ સમયે, અમેરિકી ભૂવૈજ્ઞાનિક સર્વેક્ષણ એ જણાવ્યું હતું કે ભૂકંપની તીવ્રતા શરૂઆતમાં 6.9ની માપવામાં આવી હતી અને તેનું કેન્દ્ર જિસ્બોર્ન શહેરથી આશરે 178 કિલોમીટર દૂર 10 કિમી ઊંડાઈ પર હતું.
એક દિવસ પહેલા, 3 માર્ચ (બુધવારે), યુરોપમાં મધ્ય ગ્રીસમાં પણ 6.2 ની તીવ્રતાનો આંચકો અનુભવાયો હતો. આ ભૂકંપ યુરોપિયન-ભૂમધ્યસાગરીય ભૂકંપ કેન્દ્ર અનુસાર, બુધવારે બપોરે સવા બાર વાગ્યે (આંતરરાષ્ટ્રીય સમયાનુસાર સવારે 10:૧૫ વાગ્યે) આવ્યો હતો, જે લારિસા શહેરથી પશ્ચિમ-ઉત્તર પશ્ચિમમાં 22 કિલોમીટર દૂર હતું.