WC 2019 / ENG vs NZ Final: મૅચ ટાઈ, સુપર ઓવર ટાઇ અને આખરે 44 વર્ષે ઇંગ્લેન્ડ બન્યું વર્લ્ડ ચેમ્પિયન

કટોકટીના ફાઇનલ મુકાબલામાં વર્લ્ડ ક્રિકેટને પોતાને નવા ચેમ્પિયન મળી ગયા છે. લૉર્ડસે ઐતિહાસિક મેદાન પર રવિવાર રાત્રે સુપરઓવરમાં 16 રન બનાવતા ઇંગ્લેન્ડે પ્રથમ વખત વર્લ્ડ કપ જીત્યો. સતત બીજી વખત ફાઇનલમાં પહોંચનારી ન્યૂઝીલેન્ડે ટૉસ જીતીને પ્રથમ બેટિંગ કરતા ઇંગ્લેન્ડ સામે 242 રનનો લક્ષ્યાં રાખ્યો હતો. જેના જવાબમાં નિર્ધારિત 50 ઓવરમાં આટલા જ રન બનાવી શક્યા. સુપરઓવરમાં મેચ જતા ઇંગ્લેન્ડે ન્યૂઝિલેન્ડ સામે 16 રનનો લક્ષ્યાંક રાખ્યો હતો, અહીં પર પણ ટાઇ થઇ હતી, પરંતુ વધુ બાઉન્ડ્રી લગાવતા ઇંગ્લેન્ડ મુકાબલામાં વિજેતા જાહેર થયું છે.

મહત્વનું છે કે, ટૉસ જીતીને પ્રથમ બેટિંગ કરતા ન્યૂઝિલેન્ડની ટીમે 50 ઓવરમાં 8 વિકેટ ગુમાવીને 241 રન બનાવ્યા હતા. ન્યૂઝિલેન્ડના 242 રનોના લક્ષ્યાંકને પહોંચી વળવા ઇંગ્લેન્ડની ટીમે તનતોડ મહેનત કરી હતી. જોકે 50 ઓવરમાં પરિણામ આવ્યું ન હતું કારણ કે મેચ ટાઇ ગઇ હતી. ત્યારબાદ સુપર ઓવર રમાડવામાં આવી હતી.
 

CWC'19: England defeat New Zealand in super over, lift maiden 50-over WC

Read @ANI Story | https://t.co/t2fiTJNb5j pic.twitter.com/yyse8zJL0g

— ANI Digital (@ani_digital) July 14, 2019

સુપર ઓવરમાં થયો નિર્ણય

ઇંગ્લેન્ડ તરફથી સુપર ઓવરમાં બેન સ્ટોકસ અને જોસ બટલર ઉતર્યા હતા. સામે ન્યૂઝીલેન્ડ તરફથી બોલ્ટે ઓવર કરી હતી. ઇંગ્લેન્ડે પ્રથમ બોલમાં 3 રન, બીજા બોલે 1 રન, ત્રીજા બોલે 4 રન, ચોથા બોલે 1 રન, પાંચમા બોલે 2 રન અને છેલ્લા બોલ પર 4 રન બનાવી કુલ 15 રન બનાવ્યા હતા.

જ્યારે બીજી ઇનિંગમાં ન્યૂઝીલેન્ડ તરફથી 16 રનનો ટાર્ગેટ માટે માર્ટિન ગપટીલ અને નશીમ ઉતર્યા હતા. ઇંગ્લેન્ડ તરફથી બોલિંગ જોફ્રા અર્ચરે કરી હતી. પ્રથમ બોલ વાઈડ હતો, બીજા બોલે 2 રન, ત્રીજા બોલે સિક્સ, ચોથા બોલે 2 રન, પાંચમા બોલે 2 રન, છઠ્ઠા બોલે 1 રન અને સાતમા બોલે 1 રન થયો હતો. સુપર ઓવર પણ ટાઈ થઈ હતી પરંતુ નિયમ પ્રમાણે જે ટીમે 50 ઓવરમાં સૌથી વધારે બાઉન્ડરી મારી હોય તે વિજેતા થાય છે. આમ આ મેચમાં ઇંગ્લેન્ડે 24 બાઉન્ડરી મારી હતી જ્યારે ન્યૂઝીલેન્ડે 16 ફટકારી હતી. આમ સુપર ઓવર પણ  જ્યારે ટાઈ થઈ હતી તો પરિણામે ઇંગ્લેન્ડનો ભવ્ય વિજય થયો હતો. આ જીત સાથે આખરે 44 વર્ષે ઇંગ્લેન્ડ પ્રથમ વખત વર્લ્ડ ચેમ્પિયન બન્યું હતું.

વર્લ્ડ કપની ફાઇનલ મેચમાં બેન સ્ટોક્સ મેન ઓફ ધ મેચ બન્યા. ઇંગ્લેન્ડ માટે આ મેચમાં સૌથી વધુ રન બેન સ્ટોક્સે બનાવ્યા હતા. તેમણે 98 બોલમાં પાંચ ચોગ્ગા અને બે છગ્ગાની મદદથી અણનમ 84 રન બનાવ્યા હતા.