ક્રિકેટ / VIDEO: મેદાન પર નિશમે મચાવ્યો એવો તોફાન કે એક જ ઓવરમાં બાજી પલટાઈ, ઈંગ્લેન્ડ જીતેલી બાજુ હાર્યું

• ન્યૂઝીલેન્ડે પહેલી સેમીફાઈનલમાં ઈંગ્લેન્ડને 5 વિકેટે હરાવ્યું હતું
• આ જીત સાથે ન્યુઝીલેન્ડે પહેલી વખત T20 વર્લ્ડ કપની ફાઇનલમાં પ્રવેશ કર્યો છે.
• ન્યુઝીલેન્ડે એક ઓવર પહેલા મેચ જીતી લીધી હતી

 

 

 

 

View this post on Instagram

 

 

 

 

 

 

 

 

 

 

 

A post shared by ICC (@icc)

જેમ્સ નીશમે એવી તોફાની બેટિંગ કરી કે ન્યૂઝીલેન્ડે પાસા ફેરવી નાખ્યા.

ન્યૂઝીલેન્ડે એક રોમાંચક મેચમાં ઈંગ્લેન્ડને 5 વિકેટે હરાવીને ટી-20 વર્લ્ડ કપના ટાઈટલ મેચ માટે ક્વોલિફાઈ કર્યું છે. ફાઈનલમાં તેનો મુકાબલો પાકિસ્તાન અને ઓસ્ટ્રેલિયા વચ્ચે 11 નવેમ્બરે રમાનાર બીજી સેમિફાઈનલના વિજેતા સાથે થશે. પ્રથમ સેમીફાઈનલમાં ઈંગ્લેન્ડની ટીમ 16મી ઓવર સુધી ભારે દેખાઈ રહી હતી, પરંતુ 17મી ઓવરમાં જેમ્સ નીશમે એવી તોફાની બેટિંગ કરી કે ન્યૂઝીલેન્ડે પાસા ફેરવી નાખ્યા. 

17મી ઓવરમાં કુલ 23 રન મારી મેચને પોતાની તરફ કરી લીધી 

17મી ઓવરમાં આવેલા ક્રિસ જોર્ડનને નીશમે 2 સિક્સ અને એક ફોર ફટકારીને નિશાન બનાવ્યું હતું. આ ઓવરમાં કુલ 23 રન થયા હતાં. નશીમે સ્કવેર લેગ પર પહેલા બોલ પર સિક્સર અને લોંગ ઓન પર ત્રીજા બોલ પર ફોર ફટકારી હતી. આ પછી ચોથા બોલ લોંગ ઓન બાઉન્ડ્રીથી બહાર પહોંચાડ્યો હતો. આ ઉપરાંત આ ઓવરમાં 2 વાઈડ અને 2 લેગ બાયના રૂપમાં 4 વધારાના રન પણ બન્યા હતાં 

 

 

 

 

View this post on Instagram

 

 

 

 

 

 

 

 

 

 

 

A post shared by ICC (@icc)

નીશમ છેલ્લા આઉટ થયો પરંતુ મિશેલે મેચને હાથમાં જવા ન દીધી હતી

અહીંથી મેચનો માર્ગ બદલાઈ ગયો હતો. નશીમે 18મી ઓવરના બીજા બોલે ફરીથી આદિલ રાશિદને સિક્સર ફટકારી હતી. આ પછી ડેરીલ મિશેલે ચોથા બોલ પર સિક્સર ફટકારીને પોતાની અડધી સદી પૂરી કરી હતી. આ ઓવરમાં 14 રન બનાવ્યા હતા. જો કે, નીશમ છેલ્લા બોલ પર આઉટ થયો હતો, પરંતુ મિશેલે મેચને પોતાના હાથમાં જવા ન દીધી હતી. તેણે ક્રિસ વોક્સની 19મી ઓવરમાં 2 સિક્સ અને 1 ફોર ફટકારીને 6 બોલ બાકી રાખીને ટીમને જીત અપાવી હતી.

મિશેલે 47 બોલમાં અણનમ રહી 72 રન બનાવ્યા હતાં

ન્યૂઝીલેન્ડનો સ્કોર એક સમયે બે વિકેટે 13 રન હતો. પરંતુ મિશેલે 47 બોલમાં ચાર ચોગ્ગા અને ચાર છગ્ગાની મદદથી અણનમ 72 રન બનાવ્યા હતાં. તેણે ડેવોન કોનવે (38 બોલમાં 46 રન, પાંચ ચોગ્ગા, છગ્ગા) સાથે ત્રીજી વિકેટ માટે 82 રન જોડ્યા, જેમ્સ નીશમે 11 બોલમાં ત્રણ છગ્ગાની મદદથી 27 રનની ધમાકેદાર ઈનિંગ રમી હતી અને ન્યૂઝીલેન્ડે 19 ઓવરમાં પાંચ વિકેટે 167 રન બનાવી જીત નોંધાવી હતી.