ક્રિકેટ / પ્રથમ ટેસ્ટમાં ન્યૂઝીલેન્ડે ઇનિંગ્સ અને 65 રનથી ઈંગ્લેન્ડને કચડી નાખ્યું

• ઈંગ્લેન્ડ અને ન્યૂઝીલેન્ડની ટેસ્ટ મેચમાં ન્યૂઝીલેન્ડનો 65 રનથી વિજય
• શ્રેણીમાં 1-0ની સરસાઈ હાંસલ કરી 
• મિચેલ સેન્ટરને પણ પોતાની ટેસ્ટ કરિયરની પ્રથમ સદી ફટકારી

ઉલ્લેખનીય છે કે ઈંગ્લેન્ડે ટોસ જીતીને પ્રથમ બેટિંગ કરવાનું પસંદ કર્યું હતું. પ્રથમ દાવમાં  ડેનલીના 74, બેન સ્ટોક્સના 92 અને જોસ બટલરના 43 રનની મદદથી ઈંગ્લેન્ડે 353 રન બનાવ્યા હતા. તેના જવાબમાં ન્યૂઝીલેન્ડે કેપ્ટન કેન વિલિયમ્સનના 51, વોટલિંગના 205, કોલિન ડી ગ્રાન્ડહોમના 65 અને આઠમા ક્રમે બેટિંગમાં આવેલા ન્યૂઝીલેન્ડ મિચેલ સેન્ટરની સદી (126 રન)ની મદદથી નવ વિકેટે 615 રનનો પહાડ જેવો સ્કોર ખડકીને ઇનિંગ્સ ડિકલેર કરી હતી. આમ, ન્યૂઝીલેન્ડને ૨૫૨ રનની જંગી સરસાઈ મળી હતી, જેની સામે ઈંગ્લેન્ડના બીજા દાવનો વાવટો 197 રનમાં સમેટાઈ જતાં અંગ્રેજોનો ઇનિંગ્સ અને 65 રનથી કારમો પરાજય થયો હતો.

સૌથી વધુ 35 રન જોએ ડેનલીએ બનાવ્યા

બીજા દાવમાં ઈંગ્લેન્ડ તરફથી સૌથી વધુ 35 રન જોએ ડેનલીએ બનાવ્યા હતા. આના સિવાય અન્ય કોઈ બેટ્સમેન મોટી ઇનિંગ્સ રમી શક્યો નહોતો. બીજા દાવમાં ન્યૂઝીલેન્ડ તરફથી નીલ વેગનર હીરો સાબિત થયો હતો. તેણે માત્ર 19.2 ઓવરમાં 44 રન આપીને પાંચ વિકેટ ઝડપી હતી. એ ઉપરાંત સ્પિનર મિચેલ સેન્ટનરે ત્રણ વિકેટ ઝડપીને તેને સુંદર સાથ આપ્યો હતો. 

For his sensational maiden Test double hundred, New Zealand's BJ Watling is adjudged Player of the Match! #NZvENG pic.twitter.com/01yS66HZgK

— ICC (@ICC) November 25, 2019

મિચેલ સેન્ટરને પણ પોતાની ટેસ્ટ કરિયરની પ્રથમ સદી ફટકારી

ન્યૂઝીલેન્ડ પોતાની પ્રથમ ટેસ્ટ મેચ 1930 માં ઈંગ્લેન્ડ સામે જ રમ્યું હતું. વોટલિંગે મિચેલ સેન્ટર (126) સાથે સાતમી વિકેટની ભાગીદારીમાં 261 રન જોડીને પોતાની ટીમને મજબૂત સ્થિતિમાં લાવી દીધી હતી. ન્યૂઝીલેન્ડનો ઈંગ્લેન્ડ સામે આ સર્વશ્રેષ્ઠ સ્કોર પણ છે. અગાઉ 1973 માં ન્યૂઝીલેન્ડે નવ વિકેટે 551 રને ઈંગ્લેન્ડ સામે ઇનિંગ્સ ડિકલેર કરી હતી. 

આ મેચમાં મિચેલ સેન્ટરને પણ પોતાની ટેસ્ટ કરિયરની પ્રથમ સદી ફટકારી  હતી. આમ, ટેસ્ટ શ્રેણીમાં ન્યૂઝીલેન્ડે 1-0 ની સરસાઈ હાંસલ કરી લીધી હતી. શ્રેણીની બીજી અને અંતિમ ટેસ્ટ 29 નવેમ્બરથી હેમિલ્ટનના શેડ્ડન પાર્ક ખાતે રમાશે.