ન્યૂયોર્કમાં ચાલતી વખતે મોબાઇલના ઉપયોગ પર પ્રતિબંધ લાગી શકે છે. જો આ કાયદો લાગૂ પડ્યો અને તોડવામાં આવશે તો તે લોકોનેપ ડોલર(રૂ.૧૭૦૦)થી લઇને રપ૦ ડોલર (રૂ.૧૭,૦૦૦) સુધીનો દંડ થઇ શકે છે.
અમેરિકાના ન્યૂયોર્કમાં રસ્તા પર ચાલતી વખતે મોબાઇલનો ઉપયોગ કરનાર લોકો પર દંડ લાગી શકે છે. ન્યૂયોર્ક એસેમ્બલીમાં તાજેતરમાં આની સાથે જોડાયેલું એક બિલ રજૂ કરાયું છે. જો તે પાસ થયું તો કાયદો તોડનાર લોકોને રપ ડોલર(રૂ.૧૭૦૦)થી લઇને રપ૦ ડોલર (રૂ.૧૭,૦૦૦) સુધીનો દંડ થઇ શકે છે.
બિલને ગયા વર્ષે એસેમ્બલીના સભ્ય ફેલિપ ઓર્ટિજે રજૂ કર્યું હતું. આ બિલમાં દંડની રકમ પણ નક્કી કરાઇ હતી. આ વર્ષે રાજ્યના સાંસદ જોન લીયુએ ફરી એક વાર બિલને આગળ વધાર્યું છે. લીયુના જણાવ્યા મુજબ યુવાનોમાં ચાલતી વખતે મોબાઇલનો ઉપયોગ કરવાનો અલગ ટ્રેન્ડ બની ગયો છે. ખાસ કરીને રસ્તો પાર કરતી વખતે આ આદત ચિંતાજનક સ્તર પર છે.
તેમણે જણાવ્યું કે અમે ન્યૂયોર્કના લોકોને જણાવવા ઇચ્છીએ છીએ કે ઇમર્જન્સીમાં જરૂરી હોય તો મોબાઇલનો ઉપયોગ કરતી વખતે પાંચ સેકન્ડ રોકાવ. ઉતાવળમાં દુર્ઘટના થઇ શકે છે. ર૦૧૯માં જારી એક રિપોર્ટમાં ર૦૧૮માં અમેરિકામાં લગભગ ૬ર૦૦ રાહદારીઓ માર્ગ અકસ્માતમાં મૃત્યુ પામ્યા હતા. તેનું મુખ્ય કારણ યુવાનોમાં સ્માર્ટ ફોનનો વધતો પ્રયોગ જણાવાયો હતો. યુવાનો રસ્તે ચાલતા પણ મોબાઇલનો ચિંતાજનક રીતે ઉપયોગ કરે છે.