વિશ્વભરમાં વર્ષ 2019નું સ્વાગત કરવામાં આવ્યું. લોકોએ નવા વર્ષની ધામધૂમથી ઉજવણી કરી. સૌપ્રથમ ન્યૂઝીલેન્ડના ઓકલેન્ડમાં નવા વર્ષનું આગમન થયું.
અહીં ઓકલેન્ડના સૌથી ઉંચા ટાવર પર નવા વર્ષનું સેલિબ્રેશન કરાયું. ત્યાર બાદ ચીનના હોંગકોંગમાં નવા વર્ષનું આતશબાજીથી સ્વાગત કરવામાં આવ્યું. જ્યારે ઓસ્ટ્રેલિયાના સિડનીમાં હાર્બર બ્રિજ પર મોટી સંખ્યામાં લોકો એકઠા થયા અને હાર્બર બ્રિજ પર ભારે આતશબાજી કરવામાં આવી.
જ્યારે બીજી તરફ દુબઈમાં બુર્જ ખલિફા પર નવા વર્ષને પગલે આતશબાજી કરવામાં આવી અને લોકોએ નવા વર્ષની ધામધૂમથી ઉજવણી કરી.
સિંગાપોરમાં પણ નવા વર્ષનું ભવ્ય સ્વાગત કરવામાં આવ્યું હતું. નવા વર્ષની વિશ્વભરમાં ધામ ધૂમથી ઉજવણી કરવામાં આવી.
નવા વર્ષનું સ્વાગત કરવા માટે લોકો મીટ માંડીને બેઠા હતા અને મધરાત્રીએ ઉજવણી શરૂ કરી દીધી હતી. જાપાનના ટોક્યોમાં ભારે ધામધૂમથી નવા વર્ષનું સ્વાગત્ કરવામાં આવ્યું હતું.
ત્યાર બાદ રશિયાના મોસ્કોમાં નવા વર્ષની ધામધૂમથી ઉજવણી કરવામાં આવી. ઈંગ્લેન્ડના લંડનમાં ટાવર બ્રિજ પર મોટી સંખ્યામાં લોકો એકઠા થયા હતા અને બાદમાં 2019નું સ્વાગત કરીને ભારે આતશબાજી કરવામાં આવી હતી. આ તરફ ફ્રાંસના પેરિસમાં પણ એફિલ ટાવર પર આતશબાજી કરીને 2019નું સ્વાગત કરાયું હતું.