દેશમાં વિવિધ શહેરોમાં નવા વર્ષની ઉજવણી ઘામધૂમથી ઉજવવામાં આવી છે. દિલ્હી, નાગપુર, રાયપુર, ભોપાલ, તિરુવનંતપુરમમાં યુવાઓ હિલોળે ચડ્યા હતાં. વિવિધ ડાન્સ પાર્ટી, ધમાલ સાથે ઉજવણી કરવામાં આવી છે. નવા વર્ષને લઈને લોકોમાં ભારે ઉત્સાહ જોવા મળી રહ્યો છે.
નવા વર્ષની ધામધૂમ પૂર્વક ઉજવણી
2019ને અલવિદા 2020 નું ઉમળકાભેર સ્વાગત
ઠેર-ઠેર આતશબાજી દ્વારા ઉજવણી
આ તરફ અમદાવાદ સહિત ગુજરાતભરમાં પાર્ટીનું આયોજન કરવામાં આવ્યું હતું જેમાં યુવાધન હિલોળે ચડ્યું હતું. મોટી સંખ્યામાં લોકો રસ્તા પર ઉતરી આવ્યા હતા, આ સાથે જ ઠેર-ઠેર આતશબાજી કરવામાં આવી હતી અને 2020 ના વધામણા કરવામાં આવ્યા હતા.
એન્ટી રોમિયો સ્કવોડ તૈનાત
શહેરના તમામ એન્ટ્રી એક્ઝિટ પોઇન્ટ પર નાકાબંધી કરવામાં આવશે. રોમિયોને પકડવા માટે સી ટીમ તેમજ એન્ટી રોમિયો સ્કવોડ તૈનાત કરાઇ છે. તેમજ ૩૦૦ જેટલાં બ્રેથ એનેલાઈઝર સાથે પોલીસ શહેરમાં ચેકિંગ કરશે જેમાં મહિલાઓનું પણ ચેકિંગ કરવામાં આવશે. આ ઉપરાંત ૮૫ પી. સી.આર રાતભર પેટ્રોલિંગ કરશે.
હોટેલ અને ગેસ્ટહાઉસમાં પીનાક સોફ્ટવેરની મદદથી ગતિવિધિઓ પર નજર રાખવામાં આવશે.
સંવેદનશીલ પોઈન્ટો ઉપર ચાંપતો બંદોબસ્ત
એસજી હાઈવે, કાંકરિયા તેમજ સીજી રોડ પર બોંબ ડિસ્પોઝલ સ્કવોડ દ્વારા પણ ચેકીંગ કરાશે.નવા વર્ષની ઉજવણીમાં ફટાકડા પણ ફોડાતા હોય છે. જેને લઈ લોકોમાં નાસભાગ આગ લાગવાના અને દાઝવાના બનાવ બનવાની પણ શક્યતા રહેલી હોય છે. આવા બનાવો રોકવા માટે સંવેદનશીલ પોઈન્ટો ઉપર બંદોબસ્ત ગોઠવી સઘન પેટ્રોલિંગ પણ કરાય તેવી વ્યવસ્થા ગોઠવાઇ છે. તો બીજી તરફ દારૂ ઢીંચીને ડી.જે.પાર્ટીમાં આવેલા લોકો પર નજર રાખવા માટે યંગ પોલીસ કર્મચારીઓ જશે.
વિદેશમાં પણ કરાઇ નવા વર્ષની ઉજવણી
વર્ષ 2020ને આવકારવા માટે વિશ્વભરમાં અનેક જગ્યાએ ઉજવણીઓ થઈ રહી છે અને આયોજન કરવામાં આવ્યું છે. ત્યારે હોંગકોંગ ટોકીયો અને થાઈલેન્ડમાં પણ નવા વર્ષની ભવ્ય ઉજવણી કરવામાં આવી છે. બદલાતા વર્ષને સત્કારવા માટે ઉજવણીનો થનગનાટ રહ્યો છે. 2020ની ધમાકેદાર ઉજવણી પણ શરૂ થઈ છે...વેલકમ 2020નો ઉત્સાહ-ઉમંગ પ્રવર્તી રહ્યો છે. 2019ને બાયબાય કરીને 2020નું રંગારંગ-ઝાકઝમાળભર્યુ સ્વાગત કરવા માટે તમામ દેશોમાં જોરશોરપૂર્વકની તૈયારી કરવામાં આવી છે.