નવુ વર્ષ 2022 શરૂ થવાનુ છે. મોટી સંખ્યામાં લોકો નવુ-નવુ પ્લાનિંગ કરી રહ્યાં છે. પરંતુ જો તમે ક્યાય ફરવાની યોજના બનાવી રહ્યાં છો તો પહેલા એક વખત રજાની યાદી આવશ્ય વાંચી લો. જાણી લો કે નવા વર્ષ 2022માં રજા ક્યારે-ક્યારે છે? જેની મદદથી તમે બે રજાની વચ્ચે લાંબો હોલીડે પ્લાન કરી શકો છો.
નવા વર્ષ 2022માં રજા ક્યારે-ક્યારે આવે છે?
કેન્દ્ર સરકારે કેન્દ્રીય કર્મચારીઓ માટે રજાઓની યાદી કરી જાહેર
માર્ચ મહિનામાં તમે એક લાંબો વીકેન્ડ પ્લાન કરી શકો છો
કેન્દ્ર સરકારે જાહેર કરી રજાઓની યાદી
કેન્દ્ર સરકારે કેન્દ્રીય કર્મચારીઓ માટે રજાઓની યાદી જાહેર કરી છે. ચાલુ વર્ષે સ્વતંત્રતા દિવસ, ગણતંત્ર દિવસ, ગાંધી જયંતિ, ક્રિસમસ ડે, હોળી અને દિવાળી સહિત કેન્દ્રીય કર્મચારીઓને 14 રજા મળશે. જાણી લો કે વૈકલ્પિક 14 રજાઓની યાદીમાં ત્રણ રજા પસંદ કરવાનો વિકલ્પ પણ રહેશે. ઉલ્લેખનીય છે કે, આ વખતે રામનવમી અને હોળીની રજાને વૈકલ્પિક રજામાં મુકી દેવામાં આવી છે.
આ રીતે પ્લાન કરી શકો છો વીકેન્ડ
મહત્વનું છે કે વર્ષ 2022ના માર્ચ મહિનામાં તમે એક લાંબો વીકેન્ડ પ્લાન કરી શકો છો. આવતા વર્ષે હોળી 18 માર્ચે છે. પછી બીજા બે દિવસ શનિવાર અને રવિવાર છે. ત્યારબાદ એપ્રિલમાં પણ આવી તક બની રહી છે. 14 એપ્રિલે ડૉકટર આંબેડકરની જયંતિ, બૈસાખી અને મહાવીર જયંતિ છે. પછી 15 એપ્રિલે ગુડ ફ્રાઈડે છે.
મેમાં વેકેશન કરી શકો છો પ્લાન
મે મહિનામાં પણ તમે બે રજાની વચ્ચે વેકેશન પ્લાન કરી શકો છો. 30 એપ્રિલે શનિવાર અને 1મેના રોજ રવિવાર છે. પછી 3 મેના રોજ ઈદનો તહેવાર છે. જો તમે નોકરીમાં 2મેની રજા લઇ લો તો તમારું એક પ્રકારનું વેકેશન થઇ જશે. પછી 14 અને 15મેની વિકેન્ડ છે. ત્યારબાદ 16મેના રોજ બુદ્ધ પૂર્ણિમા છે.