ઓટો / Yamahaએ Fascinoનો નવો BS6 મોડલ કર્યો લોન્ચ, વધુ માઈલેજ અને ઓછી કિંમત સાથે Honda Activaને આપશે ટક્કર

• યામાહાએ લોન્ચ કર્યું BS6 એન્જિનવાળું Fascino
• ડિઝાઈન અને ફીચર્સમાં કર્યા ફેરફાર
• ઓછી કિંમતમાં મળશે વધુ માઈલેજ

નવી Fascino 125માં બીએસ6 એન્જિનની સાથે ડિઝાઈન અને ફીચર્સમાં પણ બદલાવ કરવામાં આવ્યો છે. જેથી તે જૂના મોડલ કરતાં વધુ સારી લાગે છે. આ સ્કૂટર બે નવા કલર ગ્લોસ રેડ અને મેટ બ્લૂમાં પણ ઉપલબ્ધ થશે. કંપનીએ આ સ્કૂટરમાં બ્લેક એસ્થેટિક અપીલ્સને વધુ સારી બનાવવા માટે લ્હીલ્સ, ગ્રેબ રેલ્સ અને અન્ય પ્લાસ્ટિક પેનલ્સનો પ્રયોગ કર્યો છે. તે સિવાય ક્રોમનો પણ સારો ઉપયોગ કર્યો છે. 

એન્જિન

Yamaha Fascinoના જૂના બીએસ4 મોડલમાં કંપનીએ 113ccની ક્ષમતાનો એરકૂલ્ડ SOHC સિંગલ સિલિન્ડર એન્જિનનો ઉપયોગ કર્યો હતો, જે 7bhpનું પાવર અને 8.1 Nmનો ટાર્ક જનરેટ કરે છે. પણ તેના નવા બીએસ6 મોડલ પહેલાં કરતાં વધુ પાવરફુલ છે. કંપનીએ દાવો કર્યો છે કે આ સ્કૂટર જૂના બીએસ4 મોડલની તુલનામાં 30 ટકા વધુ પાવર જનરેટ કરે છે. તેનું એન્જિન 8.2 PSનું પાવર અને Nmનો ટાર્ક જનરેટ કરે છે. 

માઈલેજ

કંપનીએ દાવો કર્યો છે કે નવી Yamaha Fascino BS6ની માઈલેજ જૂના કરતા વધુ છે. આ સ્કૂટર જૂના મોડલ કરતાં 16 ટકા વધુ માઈલેજ આપે છે. કંપનીએ આપેલી માહિતી પ્રમાણે, આ સ્કૂટર 58 કિમી પ્રતિ લીટર સુધી માઈલેજ આપે છે. તેમાં સ્માર્ટ મોટર જનરેટર ટેક્નિકનો ઉપયોગ કરવામાં આવ્યો છે. 

કિંમત

નવા BS6 અપડેટ બાદ આ સ્કૂટરની કિંમત જૂના મોડલ કરતા થોડી વધારે થઈ ગઈ છે. જૂના બીએસ4 મોડલની શરૂઆતી કિંમત માત્ર 58,000 રૂપિયા હતી. નવી Fascino બીએસ6ની એન્ટ્રી લેવલ સ્ટાન્ડર્ડ ડ્રમ વેરિઅન્ટની કિંમત 66,430 રૂપિયા, સ્ટાન્ડર્ડ ડિસ્ક બ્રેક વેરિઅન્ટની કિંમત 69,930 રૂપિયા નક્કી કરવામાં આવી છે. 

આ સ્કૂટરથી થશે ટક્કર

નવી Yamaha Fascinoની ટક્કર દેશની સૌથી વધુ વેચાતી Honda Activa 125, TvS jupiter અને Suzuki Access જેવા સ્કૂટરોથી થશે. હોન્ડા એક્ટિવાના નવા બીએસ6 મોડલની કિંમત 67,490 રૂપિયાથી લઈને 74,490 રૂપિયા સુધી છે.